MEllora 950×100

ବାଘମୁଣ୍ଡା ସେବାଶ୍ରମ ପାଚେରୀ ପଛରୁ ମୃତଦେହ ଉଦ୍ଧାର; ହତ୍ୟା ଅଭିଯୋଗ ଆଣିଲା ପରିବାର

କାମାକ୍ଷାନଗର: କାମାକ୍ଷାନଗର ଉପଖଣ୍ଡର ପରଜଙ୍ଗ ଥାନା ମହାବୀରରୋଡ ଫାଣ୍ଡି ଅନ୍ତର୍ଗତ ବାଘମୁଣ୍ଡା ଆଶ୍ରମ ବିଦ୍ୟାଳୟ ପଛ ପାର୍ଶ୍ଵରୁ ଏକ ମୃତଦେହ ଉଦ୍ଧାର ହୋଇଛି।

ସୂଚନା ମୁତାବକ, କୁଟୁରିଆ ପଂଚାୟତ ବାଘମୁଣ୍ଡା ଗ୍ରାମର ଉର୍ବଶୀ ସିଂହ ତାଙ୍କ ସ୍ୱାମୀକୁ ହତ୍ୟା କରାଯାଇଛି ବୋଲି ମହାବିରୋଡ ଫାଣ୍ଡିରେ ଅଭିଯୋଗ କରିଛନ୍ତି। ମୃତ ବ୍ୟକ୍ତି ହେଲେ ହାଡିବନ୍ଧୁ ସିଂହଙ୍କ ପୁଅ ସୁଶାନ୍ତ ସିଂହ। ସେହି ଗ୍ରାମର ପ୍ରଶାନ୍ତ ସିଂହ ତାଙ୍କ ସ୍ୱାମୀ ସୁଶାନ୍ତଙ୍କୁ ଧାନ ବିଲକୁ ହଳ ଧରିବାକୁ ଡାକିଥିଲେ। ସେ ନ ଯିବାରୁ ତାଙ୍କୁ ଜୋର ଜବରଦସ୍ତ ହଳ ନେବାକୁ କହିଥିଲେ ଏବଂ ଯିବା ପରେ ଆଉ ସେ ଘରକୁ ଫେରି ନ ଥିଲେ। ଏନେଇ ପ୍ରଶାନ୍ତ ସିଂହଙ୍କୁ ତାଙ୍କ ଶ୍ବଶୁର ପଚାରିବାରୁ ସେ କହିଥିଲେ ଯେ, ସେ ତେନ୍ତୁଳି ଗଛ ମୂଳେ ଶୋଇଛନ୍ତି। କିନ୍ତୁ ସୁଶାନ୍ତ ସକାଳ ପର୍ଯ୍ୟନ୍ତ ଘରକୁ ନ ଫେରିବାରୁ ଘର ଲୋକେ ଆଖ ପାଖ ଅଂଚଳରେ ବହୁ ଖୋଜାଖୋଜି କରିଥିଲେ। ବିଭିନ୍ନ ଜାଗାରେ ଖୋଜା ଖୋଜି କରିବାରୁ ସୁଶାନ୍ତଙ୍କ ବାପା ବାଘମୁଣ୍ଡା ଆଶ୍ରମ ବିଦ୍ୟାଳୟ ପଛ ପାଖରେ ପୁଅ ସୁଶାନ୍ତର ମୃତଦେହକୁ ଦେଖି ଘର ଲୋକଙ୍କୁ କହିବା ସହ ଗ୍ରାମବାସୀଙ୍କୁ କହିଥିଲେ। ଏହାପରେ ପୁଲିସକୁ ଖବର ଦେଇଥିଲେ। ଖବର ପାଇ ପୁଲିସ ଘଟଣା ସ୍ଥଳରେ ପହଞ୍ଚି ମୃତଦେହକୁ ଜବତ କରିବା ପରେ ଶବ ବ୍ୟବଚ୍ଛେଦର ବ୍ୟବସ୍ଥା କରିଛି। ଏହା ହତ୍ୟା ନା ଆଉ କିଛି ତାହା ଶବ ବ୍ୟବଛେଦ ରିପୋର୍ଟରୁ ଜଣାପଡିବ ବୋଲି ପୁଲିସ କହିଛି।

Comments are closed.