MEllora 950×100

ସମ୍ବିଧାନ ଦିବସ ଓ ଭୋଟର ସଚେତନତା କାର୍ଯ୍ୟକ୍ରମ

କାମାକ୍ଷାନଗର: କାମାକ୍ଷାନଗର ବ୍ଲକ ଅନ୍ତର୍ଗତ ଗୁନେଇବିଲ ସ୍ଥିତ ଆଞ୍ଚଳିକ ଉଚ୍ଚ ମାଧ୍ୟମିକ ବିଦ୍ୟାଳୟରେ ସମ୍ବିଧାନ ଦିବସ ଓ ଭୋଟର ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ଏହି ଉପଲକ୍ଷେ ଅନୁଷ୍ଠିତ କାର୍ଯ୍ୟକ୍ରମରେ ବିଦ୍ୟାଳୟର ଅଧ୍ୟକ୍ଷ ଶିଶିର କୁମାର ରାଉତ ସଭାପତିତ୍ୱ କରି ସମ୍ବିଧାନ ଦିବସ ପାଳନ ସଂପର୍କରେ ସାଲୋକପାତ କରି ଯୋଗ୍ୟ ଛାତ୍ରଛାତ୍ରୀମାନଙ୍କୁ ମତଦାନ ସମ୍ପର୍କରେ କିପରି ନିଜର ନାମ ପଞ୍ଜୀକରଣ କରିପାରିବେ ସେନେଇ ସୂଚନା ପ୍ରଦାନ କରିଥିଲେ l ଅଧ୍ୟାପକ ଡକ୍ଟର ସିଦ୍ଧାର୍ଥ ଶଙ୍କର ମହାନ୍ତି ସାମ୍ବିଧାନିକ ଦିବସ ଉପରେ ସୂଚନା ଦେଇଥିଲେ l ଅଧ୍ୟାପକ ବ୍ରହ୍ମାନନ୍ଦ ଦାସ, ଅଧ୍ୟାପକ ଅନିଲ କୁମାର ସ୍ୱାଇଁ, ଅଧ୍ୟାପିକା ପ୍ରିୟମ୍ବଦା ରାଉତ ଭୋଟ ଦାନ ସକାଶେ ପଞ୍ଜୀକରଣ ଓ ଜଣେ ନାଗରିକର ମତଦାନ ଉପରେ ସୂଚନା ପ୍ରଦାନ କରିଥିଲେ l ଏଇ ଅବସରରେ ବିଦ୍ୟାଳୟର ସମସ୍ତ ଅଧ୍ୟାପକ, ଅଧ୍ୟାପିକା, ଶିକ୍ଷା କର୍ମଚାରୀ ଓ ଛାତ୍ରଛାତ୍ରୀ ସମ୍ବିଧାନ ଦିବସ ସତ୍ୟ ପାଠ କରିବା ପରେ କ୍ରୀଡା ଶିକ୍ଷକ ପ୍ରହଲ୍ଲାଦ ରାଉତଙ୍କ ପ୍ରତ୍ୟକ୍ଷ ତତ୍ୱାବଧାନ ରେ ଛାତ୍ରଛାତ୍ରୀମାନେ ଏକ ଶୋଭାଯାତ୍ରାରେ ବାହାରି ଗ୍ରାମ ପରିକ୍ରମା କରି ମତଦାନ ସମ୍ପର୍କରେ ସଚେତନତା ସୃଷ୍ଟି କରିଥିଲେ l

Comments are closed.