କଲ୍ୟାଣସିଂହପୁର : ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକରେ ଶିକ୍ଷା ବିଭାଗ ତରଫରୁ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟଠାରେ ବ୍ଲକସ୍ତରୀୟ ବିଜ୍ଞାନ ମେଳା ପ୍ରଦର୍ଶନୀ ଅନୁଷ୍ଠିତ ହୋଇଛି । ଏଥିରେ ବ୍ଲକର ବିଭିନ୍ନ ବିଦ୍ୟାଳୟରୁ ମୋଟ ୬୨ଟି ପ୍ରକଳ୍ପ ଭାଗ ନେଇଥିଲେ । ବିଦ୍ୟାଳୟର ଛାତ୍ର ଛାତ୍ରୀ ମାନେ ଗଣିତ, ବିଜ୍ଞାନ ଓ ପରିବେଶ ବିଷୟ ନେଇ ନିଜ ନିଜ ଜ୍ଞାନ କୌଶଳର ପ୍ରକଳ୍ପ ତିଆରି କରି ମେଳାରେ ପଦର୍ଶନୀ କରିଛନ୍ତି । ଉକ୍ତ କାର୍ଯ୍ୟକ୍ରମକୁ ସରପଞ୍ଚ ବାର୍ଲି ଗୌତମ ମୁଖ୍ୟ ଅତିଥି ଭାବେ ଯୋଗ ଦେଇ ବିଜ୍ଞାନ ମେଳାକୁ ଉଦଘାଟନ କରିଥିଲେ ।ସମ୍ମାନୀୟ ଅତିଥି ଭାବେ ଅତିରିକ୍ତ ଗୋଷ୍ଠି ଶିକ୍ଷା ଅଧିକାରୀ ମୋହନ ରାଓ କଣ୍ଡାଗରି ,ବିଜୟ କୁମାର ସେଠୀ ଉପସ୍ଥିତ ରହିଥିଲେ । ଏହି ମେଳାରେ ସରିତା କର ,ପ୍ରଦୀପ କୁମାର ଦଳେଇ ଓ ଦୀପକ ବେହେରା ତିନିଜଣ ବିଜ୍ଞାନ ଶିକ୍ଷକ ଶିକ୍ଷୟିତ୍ରୀ ବିଚାରକ ଭାବେ ରହି ଥିଲେ । ଏହି ୬୨ଟି ପ୍ରକଳ୍ପ ମଧ୍ୟରୁ ୫ ଟି ପ୍ରକଳ୍ପ ନାରାୟଣପୁର ଉଚ୍ଚ ବିଦ୍ୟାଳୟର ଷଷ୍ଠ ଶ୍ରେଣୀର ଛାତ୍ରୀ ପ୍ରତିମା ପ୍ରାସ୍କା, ଓଡିଶା ଆଦର୍ଶ ବିଦ୍ୟାଳୟର ୩ ଜଣ ଅଷ୍ଟମ ଶ୍ରେଣୀର ଅଂଶୁମାନ ପାଳ, ନବମ ଶ୍ରେଣୀର ଶୁଭମ ମହାରଣା, ଦଶମ ଶ୍ରେଣୀର ହୀମେଶ ଶବର ଓ ମାଝୀଗୁଡା ଉର୍ଣ୍ଣତି ଉଚ୍ଚ ବିଦ୍ୟାଳୟର ଅଷ୍ଟମ ଶ୍ରେଣୀର ଅଳକା ମାନସଙ୍କୁ ଚୟନ କରାଯାଇଛି । ଏହି ୫ଟି ପ୍ରକଳ୍ପ ଚଳିତ ମାସ ୨୭ ତାରିଖରେ ଜିଲା ବାଳିକା ଉଚ୍ଚ ବିଦ୍ୟାଳୟ ଠାରେ ଜିଲାସ୍ତରୀୟ ବିଜ୍ଞାନ ମେଳାରେ ଭାଗ ନେବେ ବୋଲି ଜଣାପଡିଛି ।ଏହି ବିଜ୍ଞାନ ମେଳାକୁ ସରକାରୀ ଉଚ୍ଚ ବିଦ୍ୟାଳୟ ଓ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ଓ ଅନ୍ୟ ବିଦ୍ୟାଳୟରୁ ଆସିଥିବା ଶିକ୍ଷକ ଶିକ୍ଷୟିତ୍ରୀ ମାନେ ଉପସ୍ଥିତ ରହି ସହଯୋଗ କରିଥିଲେ ।
Comments are closed.