MEllora 950×100

ସରପଞ୍ଚଙ୍କ ଆଗୁଆ ପଦକ୍ଷେପ ; ଅନୁଆରୀ ପଞ୍ଚାୟତରେ ଜାରିକଲେ ୧୪ ଦିନିଆ କଟକଣା

କଳାପଥର: ବାଙ୍କୀ ବ୍ଳକ ଅନ୍ତର୍ଗତ ଅନୁଆରୀ ପଞ୍ଚାୟତରେ ଏପର୍ଯ୍ୟନ୍ତ କୌଣସି କୋଭିଡ୍‍ ସଂକ୍ରମଣ ବ୍ୟକ୍ତି ଚିହ୍ନଟ ହୋଇ ନ ଥିବା ବେଳେ ସ୍ଥାନୀୟ ସରପଞ୍ଚ ସତର୍କତା ମୂଳକ ୧୪ ଦିନିଆ କଟକଣା ଜାରିକରିଛନ୍ତି  ।  ଶନିବାର ଠାରୁ ଆସନ୍ତା ୨୪ ତାରିଖ ପର୍ଯ୍ୟନ୍ତ ଏହି କଟକଣା ବଳବତ୍ତର ରହିବ ବୋଲି ସେ କହିଛନ୍ତି।

ଜଣାଯାଇଛି ଯେ, ଅନୁଆରୀ ପଞ୍ଚାୟତରୁ ବହୁ ଲୋକ କାମଧନ୍ଦା ଅନ୍ୱେଷଣରେ ଜାଇଥାନ୍ତି ଏବଂ ସଂଧ୍ୟାରେ ଗାଁକୁ ଫେରିଥାନ୍ତି। ରାଜ୍ୟ ତଥା ବାଙ୍କୀରେ ସଂକ୍ରମଣ ସଂଖ୍ୟା ଦିନକୁଦିନ ବୃଦ୍ଧିପାଉଥିବାରୁ ଏହି ପଞ୍ଚାୟତକୁ ନିରାପଦ ରଖିବାପାଇଁ କାମଧନ୍ଦା ଅନ୍ୱେଷଣରେ ଯାଇ ଗାଁକୁ ଫେରୁଥିବା ଶ୍ରମିକମାନେ ବାହାରେ ନ ବୁଲି ନିଜ ଘରେ ରହିବା ପାଇଁ ଅନୁରୋଧ କରିଛନ୍ତି। ଭୁବନେଶ୍ୱର ଓ କଟକ ଉଭୟ କମିସନରଙ୍କ ପକ୍ଷରୁ ଯେଭଳି ଭାବରେ ନିୟମ ପ୍ରୟୋଗ କରାଯାଇଛି ସେଭଳି ଭାବରେ ଅନୁଆରୀ ପଞ୍ଚାୟତର ସ୍ଥାନୀୟ ସରପଞ୍ଚ ଲାଗୁକରିଥିବା ଦେଖିବାକୁ ମିଳିଛି। ବାହାରେ ବୁଲାବୁଲି କରୁଥିବା ଲୋକମାନେ ମାସ୍କ ବ୍ୟବହାର କରିବା ସହିତ ସାମାଜିକ ଦୂରତା ମାନିବାକୁ ନିବେଦନ କରିଛନ୍ତି।

Comments are closed.