କଲମପୁର : ଆଗାମୀ ରବି ଫସଲ ପାଇଁ ଏବେ ଇନ୍ଦ୍ରାବତି ସେଚାଞ୍ଚଳରେ ଚାଲିଛି ତଳି ପକା କାର୍ଯ୍ୟ। ମଧ୍ୟମ ଅମଳ କିସମ ଧାନ ପାଇଁ ଚାଷୀ ଡିସେମ୍ବର ୧୦ ତାରିଖରୁ ଧାନ ତଳି ପକାଇବା ଆରମ୍ଭ କରିଛନ୍ତି। ଝର ପାଣି ଉପରେ ଭରସା କରୁଥିବାରୁ ଘୋଡାବନ୍ଧା ଗ୍ରାମର ଚାଷୀମାନେ ମଧ୍ୟ ତଳି ପକାଇ ସାରିଲେଣି। ଘୋଡାବନ୍ଧା ଜମିରେ ଝର ପାଣି ଲାଗୁଥିବାରୁ ଚାଷୀ ଦିଲିପ ଗୁପ୍ତା ପ୍ରାୟ ୧୨ ଏକର ଚାଷ ଜମି ପାଇଁ ଧାନ ତଳି ପକାଇଥିଲେ। କିନ୍ତୁ ଏହି ଧାନ ତଳି ପକାଇବାର ଦୁଇ ଦିନ ମଧ୍ୟରେ ଜଙ୍ଗଲି ବାରହା ତଳିରେ ପଶିଯାଇ ମାଡି ମକଚି ଦେଇଛନ୍ତି। ଚାଷୀ ଶ୍ରୀ ଗୁପ୍ତାଙ୍କ ଧାନ ତଳି ସମ୍ପୂର୍ଣ୍ଣ ଭାବେ ନଷ୍ଟ ହେଇଯାଇଛି। କ୍ଷତିଗ୍ରସ୍ଥ ହେଇଥିବା କାରଣରୁ ଏବେ ପୁଣି ଚାଷ କରିବା ପାଇଁ ଅସମର୍ଥ। ଏନେଇ ଜଙ୍ଗଲ ବିଭାଗକୁ ସୂଚନା ଦେବା ପରେ ବନପାଳ ଭୁବନେଶ୍ୱର ବେହେରାଙ୍କ ନେତୃତ୍ୱରେ ଏକ ଦଳ ଘଟଣା ସ୍ଥଳରେ ପହଂଚି କ୍ଷୟ କ୍ଷତି ଦେଖିଥିଲେ। ତୁରନ୍ତ ଏନେଇ ସରକାଙ୍କ ଆଇନ ଅନୁସାରେ ପଦକ୍ଷେପ ନିଆଯିବ ବୋଲି ସୂଚନା ଦେଇଥିଲେ।
Comments are closed.