MEllora 950×100

ଲାଞ୍ଜିଗଡ଼ ବ୍ଳକ ପଛୁଆବର୍ଗ ସଂଗଠନ ପକ୍ଷରୁ କଳାହାଣ୍ଡି ବନ୍ଦ ପାଳନ

ଲାଞ୍ଜିଗଡ଼ : ଆଜି କଳାହାଣ୍ଡି ସମଗ୍ର ଜିଲ୍ଲାରେ ତ୍ରିସ୍ତରୀୟ ପଞ୍ଚାୟତ ନିର୍ବାଚନରେ ପଛୁଆବର୍ଗଙ୍କୁ ସଂରକ୍ଷଣ ପ୍ରଦାନ କରାଯାଇ ନଥିବା ଯୋଗୁଁ ଏହାର ପ୍ରତିବାଦରେ ଅକ୍ଟୋବର ୨୫ କଳାହାଣ୍ଡି ଜିଲ୍ଲା ବନ୍ଦ ଡାକରା ଦିଆଯାଇଥିବା ବେଳେ ଲାଞ୍ଜିଗଡ଼ ବ୍ଳକରେ ମଧ୍ୟ ପଛୁଆବର୍ଗ ସଂଗଠନ ପକ୍ଷରୁ ଏହି ବନ୍ଦର ପ୍ରଭାବ ଦେଖିବାକୁ ମିଳିଛି। କେବଳ ଜରୁରୀ ସେବା ସହିତ ସମସ୍ତ ଯାନବାହନ ଚଳାଚଳ ଓ ଦୋକାନ ବଜାରରେ ବନ୍ଦର ପ୍ରଭାବ ଦେଖିବାକୁ ମିଳିଛି। ସକାଳେ ଲାଞ୍ଜିଗଡ଼ ବ୍ଳକ ପଛୁଆବର୍ଗ ବିଭିନ୍ନ ସଂଗଠନ ତରଫରୁ ବିଶ୍ୱନାଥପୁର,ଲାଞ୍ଜିଗଡ଼,ବେଦାନ୍ତ କାରଖାନା ସାମ୍ନା ଓ ଲାଞ୍ଜିଗଡ଼ରୋଡ଼ ଠାରେ ରାସ୍ତା ଅବରୋଧ କରିବା ସହିତ ଶାନ୍ତିପୂର୍ଣ୍ଣ ଭାବେ ଏହି ବନ୍ଦ ପାଳନ କରିଥିଲେ। ଲାଞ୍ଜିଗଡ଼ ବ୍ଳକ ପଛୁଆବର୍ଗ ସଂଗଠନ ପକ୍ଷରୁ ଚନ୍ଦ୍ରଧ୍ୱଜ ପେସନିଆ,ଲକ୍ଷ୍ମୀଧର ସନ୍ତୋଷ ରାୟ,ଶ୍ରୀଧର ପେସନିଆ,ସୁବାଷ ଚନ୍ଦ୍ର ଅଗ୍ରୱାଲ,ରାଜେନ୍ଦ୍ର ମାଳି,ହିମାଦ୍ରୀ ପେସନିଆ,ରଘୁବୀର ନାଗ,ଭାଗିରଥି ଧଙ୍ଗଡାମାଝୀ,ବିରଞ୍ଚି ପ୍ରଧାନୀ,କାର୍ତ୍ତିକ ଓଡ଼ିଆ,ଜଗଦୀଶ ବେନିଆଁ, ହରିହର କୁମାର,ମିନୁ ପତି,ମନରଞ୍ଜନ ବିଶି,ତରୁଣ କୁମାର ଦାସ,ହରି ବେହେରା ପ୍ରମୁଖ ଏହି ବନ୍ଦ ପାଳନରେ ସାମିଲ ହୋଇଥିଲେ।

Comments are closed.