ନିଜ ଜିଲାକୁ ଫେରି ଉଭୟ ସରକାରଙ୍କୁ ଧନ୍ୟବାଦ ଜଣାଇଲେ କୋଟାରେ ଫସିଥିବା ଛାତ୍ରମାନେ

କଳାହାଣ୍ଡି : ରାଜସ୍ଥାନ କୋଟାରେ ଓଡିଶା ଛାତ୍ରମାନେ ଫସି ରହିଥିବା ବେଳେ ସେମାନଙ୍କୁ ନିଜ ଜିଲାକୁ ପ୍ରତ୍ୟାବର୍ତ୍ତନ ପ୍ରକ୍ରିୟା ଆରମ୍ଭ ହୋଇଥିଲା। ରବିବାର ରାଜସ୍ଥାନ କୋଟାରେ ଫସି ରହିଥିବା ନୂଆପଡା ଏବଂ କଳାହାଣ୍ଡି ଜିଲାର ୪୫ଜଣ ଛାତ୍ର ନିଜ ଜିଲା ଏବଂ ଗ୍ରାମକୁ ପ୍ରତ୍ୟାବର୍ତ୍ତନ କରିଛନ୍ତି। ଦୁଇଟି ବସ୍ ଯୋଗେ ନୂଆପଡା ଏବଂ କଳାହାଣ୍ଡି ଜିଲାର ୪୫ଜଣ ଛାତ୍ର ପ୍ରତ୍ୟାବର୍ତ୍ତନ କରିଥିବା ବେଳେ ନୂଆପଡା ଜିଲାର ୧୦ଜଣ ଏବଂ କଳାହାଣ୍ଡି ଜିଲାର ୩୫ଜଣ ଛାତ୍ର ପହଞ୍ଚିଛନ୍ତି। ସମସ୍ତଙ୍କୁ ଜିଲା କ୍ବାରେଣ୍ଟାଇନ କେନ୍ଦ୍ରରେ ରଖାଯିବା ବ୍ୟବସ୍ଥା କରାଯାଇଛି। କଳାହାଣ୍ଡି ଜିଲାର ୩୫ଜଣ ଛାତ୍ର ଭବାନୀପାଟଣା ଅଭିମୁଖେ ଯାତ୍ରା କରିଛନ୍ତି। ଲକଡାଉନରେ ଫସି ରହିଥିବା ଛାତ୍ର ନିଜ ଜିଲାକୁ ପ୍ରତ୍ୟାବର୍ତ୍ତନ କରି ଆନନ୍ଦିତ ହୋଇଛନ୍ତି। ସେମାନେ ଉଭୟ ସରକାରଙ୍କୁ ଧନ୍ୟବାଦ ଦେଇଛନ୍ତି। ଛାତ୍ରମାନେ ନିଜ ଜିଲାକୁ ପ୍ରତ୍ୟାବର୍ତ୍ତନ କରିଥିବା ବେଳେ ଭବାନୀପାଟଣରେ ଥିବା କୋଭିଡ-୧୯ ସ୍ବାସ୍ଥ୍ୟ କେନ୍ଦ୍ରରେ ତାଙ୍କ ସ୍ବାସ୍ଥ୍ୟ ପରୀକ୍ଷା ପରେ ନିଜ ନିଜ କ୍ବାରେନଣ୍ଟାଇନ କେନ୍ଦ୍ରକୁ ପଠାଇ ଦିଆଯିବ ବୋଲି ସୂଚନା ମିଳିଛି ।

Comments
Loading...