ନୂଆଦିଲ୍ଲୀ: ହଷ୍ଟେଲ ମାନୁଆଲ ସଂଶୋଧନ କରି ଫି ବୃଦ୍ଧି ନିଷ୍ପତ୍ତିକୁ ବିରୋଧ କରୁଥିବା ଜବାହାରଲାଲ ନେହେରୁ ବିଶ୍ୱବିଦ୍ୟାଳୟ ଛାତ୍ରସଂଘର ଆବେଦନର ଆସନ୍ତାକାଲି ଦିଲ୍ଲୀ ହାଇକୋର୍ଟରେ ଶୁଣାଣି ହେଵ। ଛାତ୍ରସଂଘ ଫି ବୃଦ୍ଧି ନିଷ୍ପତ୍ତିକୁ ଆଇନ ବିରୋଧୀ, ମନମୁଖୀ ଓ ଛାତ୍ର ବିରୋଧୀ ବୋଲି କହିଛି। ବିଚାରପତି ଜଷ୍ଟିସ ରବି ସାକଧର ଏହି ମାମଲାର ଶୁଣାଣି କରିବେ। ହଷ୍ଟେଲ ପ୍ରଶାସନ ପକ୍ଷରୁ ନିଆଯାଇଥିବା ଏହି ନିଷ୍ପତ୍ତିକୁ ବିରୋଧ କରି ଜେଏନୟୁ ଛାତ୍ରସଂଘ ଗତ ମଙ୍ଗଳବାର ହାଇକୋର୍ଟଙ୍କ ଦ୍ୱାରସ୍ଥ ହୋଇଥଲା।
ଛାତ୍ରସଂଘ କୋର୍ଟଙ୍କୁ ଏହି ମାମଲାରେ ରହିତାଦେଶ ଜାରି କରିବାକୁ ପ୍ରାର୍ଥନା କରିଛନ୍ତି। ଏ ନେଇ ବିଳମ୍ବ ଶୁକ୍ଳ ଲାଗୁ ନ କରିବା ଓ ଅନ୍ୟ କୌଣସି ପ୍ରତିକୂଳ ପଦକ୍ଷେପ ନ ନେବା ପାଇଁ ସଂଘ ନିର୍ଦ୍ଦେଶ ଦେବାକୁ କୋର୍ଟଙ୍କ ନିକଟରେ ଆବେଦନ କରିଛନ୍ତି। ଛାତ୍ରସଂଘ ପକ୍ଷରୁ ଅଭିକ ଚିମିନି, ଅମନ ଶୁକ୍ଲା, ମୟଙ୍କ ଗୋଏଲ, ଆରତୀ, ସଭାନେତ୍ରୀ ଐଶ୍ୱ ଘୋଷ ଏବଂ ଉପସଭାପତି ସାକେତ ମୂନ ଏହି ଆବେଦନ କରିଛନ୍ତି। ହଷ୍ଟେଲ ଫି ବୃଦ୍ଧି ଫଳରେ ସଂରକ୍ଷିତ ବର୍ଗ ଛାତ୍ରଛାତ୍ରୀଙ୍କ ଅଧିକାର କ୍ଷୁର୍ଣ୍ଣ ହେଉଥିବା ସେମାନେ ଦର୍ଶାଇଛନ୍ତି।
Comments are closed.