ଜିଲାରେ ୭ ଦିନ ବ୍ୟାପୀ ହେବ ଜୀବନବିନ୍ଦୁ ରକ୍ତଦାନ କାର୍ଯ୍ୟକ୍ରମ

ଟିଟିଲାଗଡ଼: କରୋନା ମହାମାରୀ ସମୟରେ ଜୀବନ ରକ୍ଷାକାରୀ ରକ୍ତଦାନ ନେଇ ଶାସକ ବିଜେଡି ପକ୍ଷରୁ ଦଳୀୟ ସୁପ୍ରିମୋ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିର୍ଦ୍ଦେଶ କ୍ରମେ ଓଡିଶା ମୋ ପରିବାର ଆନୁକୁଲ୍ୟରେ ଜୀବନ ବିନ୍ଦୁ କାର୍ଯ୍ୟକ୍ରମ ଆରମ୍ଭ ହୋଇଛି। ଏନେଇ ବଲାଙ୍ଗିର ଜିଲା ବିଜେଡି ପକ୍ଷରୁ କ୍ରମାନ୍ୱୟରେ ଏକ ସପ୍ତାହ ପାଇଁ ଜିଲାର କୋଣଅନୁକୋଣରେ ରକ୍ତଦାନ ଶିବିର ଆୟୋଜନ କରାଯିବ।

ଜିଲା ବିଜେଡି ସଭାପତି ତଥା ରାଜ୍ୟ ମହିଳା ଓ ଶିଶୁ ବିକାଶ ଏବଂ ମିଶନ ଶକ୍ତି ମନ୍ତ୍ରୀ ଟୁକୁନୀ ସାହୁ ଏନେଇ ଆଜି ସ୍ଥାନୀୟ ବିଜେଡି କାର୍ୟ୍ୟାଳୟରେ ଏକ ପ୍ରସ୍ତୁତି ବୈଠକରେ ଗଣମାଧ୍ୟମକୁ ବିସ୍ତୃତ ସୁଚନା ଦେଇଛନ୍ତି। ଆସନ୍ତା ୯ ଅଗଷ୍ଟ କ୍ରାନ୍ତି ଦିବସରୁ ୧୫ ପର୍ୟ୍ୟନ୍ତ ଜୀବନ ବିନ୍ଦୁ କାର୍ୟ୍ୟକ୍ରମ ଆୟୋଜନ ହେବ। ୯ରେ ଟିଟିଲାଗଡ, ୧୦ରେ ପାଟଣାଗଡ ବ୍ଲକ ଅନ୍ତର୍ଗତ ଧୁମାଭଟା, ୧୧ରେ ବଙ୍ଗୋମୁଣ୍ଡା ବ୍ଲକ ଅନ୍ତର୍ଗତ ସିନେ୍ଧକେଲା, ୧୨ରେ ତୁଷୁରା ଏନଏସି ତଥା ୧୩, ୧୪ ଏବଂ ୧୫ ତାରିଖରେ ବଲାଙ୍ଗିର ଠାରେ ରକ୍ତଦାନ ଶିବିର ଆୟୋଜନ ହେବ। କାର୍ୟ୍ୟକ୍ରମରେ ମୋ ଓଡିଶା ପରିବାରର ବହୁ ତୁଙ୍ଗ ସଦସ୍ୟ ଯୋଗଦାନ ସହ ରକ୍ତଦାତାଙ୍କୁ ଉତ୍ସାହିତ କରିବେ। ଏନେଇ ଜୀବନ ରକ୍ଷା ପାଇଁ ରକ୍ତଦାନ କାର୍ୟ୍ୟକ୍ରମରେ ବହୁ ସଂଖ୍ୟାରେ ରକ୍ତଦାତା ଯୋଗଦେବାକୁ ମନ୍ତ୍ରୀ ଶ୍ରୀମତି ସାହୁ ନିବେଦନ କରିଛନ୍ତି। ପ୍ରସ୍ତୁତି ବୈଠକରେ ଦଳର ବରିଷ୍ଠ ସଦସ୍ୟ ପ୍ରେମ ଜୈନ, ରାଜ୍ୟ ବିଜେଡି ପରିଷଦ ସଦସ୍ୟ ପ୍ରମୋଦ ପ୍ରଧାନ, ମନ୍ତ୍ରୀଙ୍କ ପ୍ରତିନିଧି ଚନ୍ଦ୍ରବଦନ ପୁରୋହିତ, ରଘୁନାଥ ରଥ, କିଶୋର ସାହୁ, ରଣଜିତ ପୃଷ୍ଟି, ଦେବାଶିଷ ସୌରା, ରୁଟୁ ବାଗ, ବିଶ୍ୱଜିତ ପାତ୍ର, ବୁଲବୁଲ ମେହେର ପ୍ରମୁଖ ଉପସ୍ଥିତ ଥିଲେ।

Comments
Loading...