କୋଭିଡ-୧୯: ଆଜି ଯାଜପୁରରେ ୮ ଚିହ୍ନଟ, ଜିଲ୍ଲାରେ କରୋନା ସଂକ୍ରମିତ ୪୮

ସମାଜ ପୋର୍ଟାଲ ଡେସ୍କ: ଯାଜପୁର ଜିଲ୍ଲାରେ ଆଜି ପୁଣି ୮ ଜଣ ନୂଆ କରୋନା ପଜିଟିଭ ରୋଗୀ ଚିହ୍ନଟ ହୋଇଛନ୍ତି। ସେମାନଙ୍କ ମଧ୍ୟରେ ବରୀ ବ୍ଳକରୁ ୪ଜଣ, ବିଂଝାରପୁର ବ୍ଳକରୁ ଜଣେ ଓ ଯାଜପୁର ବ୍ଳକରୁ ୩ ଜଣ। ସମ୍ପୃକ୍ତ ଆକ୍ରାନ୍ତଙ୍କ ମଧ୍ୟରୁ ଦୁଇ ଜଣ ମହିଳା ଓ ୬ ପୁରୁଷ ଅଛନ୍ତି। ନୂଆ କରି ଆଜି ବରି ବ୍ଳକର କଳାମାଟିଆ, ବାଇଁଶିରିଆ ଓ ଉଦୟନାଥପୁର ଗ୍ରାମରୁ କରୋନା ପଜିଟିଭ ଚିହ୍ନଟ ହୋଇଛନ୍ତି। ଠିକ ସେହିଭଳି ବିଂଝାରପୁର ବ୍ଳକର କଲ୍ୟାଣପୁରରୁ ଜଣେ ଯାଜପୁର ବ୍ଳକ ନାଥସାହିରୁ ଜଣେ ଓ ବାସୁଦେବପୁରରୁ ଦୁଇ ଜଣ ଲେଖାଏଁ କରୋନା ଦ୍ୱାରା ଆକ୍ରାନ୍ତ ହୋଇଛନ୍ତି। ଏମାନଙ୍କୁ ମିଶାଇ ଜିଲ୍ଲାରେ କରୋନା ପଜିଟିଭ ରୋଗୀଙ୍କ ସଂଖ୍ୟା ୪୮ ରେ ପହଁଚିଛି।

ଇତି ମଧରେ ଯାଜପୁରର ପ୍ରଥମ କରୋନା ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିଥିବା ବେଳେ ଅନ୍ୟ ଆକ୍ରାନ୍ତଙ୍କ ମଧ୍ୟରେ ୨ ଜଣ ୩ ବର୍ଷର ଶିଶୁ, ୧୨ ମହିଳା ଓ ୩୩ ଜଣ ପୁରୁଷ ଅଛନ୍ତି। ନୂତନ ଭାବେ ଚିହ୍ନଟ ସମସ୍ତ ବ୍ୟକ୍ତି କଲିକତାରୁ ଫେରିଥିବା କରୋନା ସଂକ୍ରମିତଙ୍କ ସହ ଲିଙ୍କ ରହିଛି। ଯାଜପୁର ଜିଲ୍ଲାରେ ଦିନକୁ ଦିନ କରୋନା ଆକ୍ରାନ୍ତଙ୍କ ସଂଖ୍ୟା ବଢି ଚାଲିଥିବାରୁ କେନ୍ଦ୍ର ସରକାରଙ୍କ ପକ୍ଷରୁ ଯାଜପୁରକୁ ରେଡ ଜୋନରେ ସ୍ଥାନିତ କରାଯାଇଛି। ନୂତନ ଭାବେ ଚିହ୍ନଟ ଗ୍ରାମ ଗୁଡିକୁ କଂଟେନମେଂଟ ଜୋନ ଭାବେ ଘୋଷଣା କରାଯାଇ ଏସବୁ ଅଞ୍ଚଳକୁ ଯାଇଥିବା ପ୍ରବେଶପଥକୁ ସିଲ କରି ଦିଆଯାଇଛି। ତତସହିତ ଯୁଦ୍ଧକାଳିନ ଭିତିରେ ଲୋକଙ୍କ ସ୍ୱାସ୍ଥ୍ୟ ବ୍ୟବସ୍ଥା ଯାଞ୍ଚ ଓ ବିଶୋଧନ କାର୍ଯ୍ୟ ମଧ୍ୟ କରାଯାଉଛି।

Comments
Loading...