ଏରସମା:ଜଗତସିଂହପୁର ଜିଲ୍ଲା ଏରସମା ବ୍ଲକ ଜାନକାଦେଇପୁର ପଞ୍ଚାୟତ ନରସିଂହପୁର ଗ୍ରାମରେ ଗତକାଲି ବିଳମ୍ବିତ ରାତି ୨ଘଟିକାରେ ଭୟାବହ ଅଗ୍ନିକାଣ୍ଡ ଘଟିଛି। ଅଗ୍ନିକାଣ୍ଡରେ ନରସିଂହପୁର ଗ୍ରାମର ଅକ୍ଷୟ ପ୍ରଧାନ, ବିଜୟ ପ୍ରଧାନ, ଚିନ୍ମୟ ପ୍ରଧାନ, ପଦ୍ମଚରଣ ପ୍ରଧାନ, ଓ ଅଭୟ ପ୍ରଧାନ ପ୍ରଭୃତି ପାଞ୍ଚଟି ପରିବାରର ୧୬ବଖରା ଚାଳଘର ଜଳିଯାଇଥିବା ଜଣାପଡିଛି। ଅଗ୍ନିକାଣ୍ଡରେ ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ ହୋଇଛି। ବିଳମ୍ବିତ ରାତିରେ ଅଗ୍ନିକାଣ୍ଡ ହୋଇଥିବା ବେଳେ ସୌଭାଗ୍ୟ ବଶତଃ କୌଣସି ଜୀବନ ନଷ୍ଟ ହୋଇନାହିଁ। ଅଗ୍ନିକାଣ୍ଡ ସମ୍ପର୍କରେ ଖବର ପାଇ ଏରସମା ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ନିଆଁଲିଭାଇବା ବେଳକୁ ସମ୍ପୂର୍ଣ୍ଣ ଘରଗୁଡିକ ପୋଡିଯାଇଥିଲା। ଅଗ୍ନିବିପ୍ପନ ମାନଙ୍କ ସମ୍ପର୍କରେ ଖବର ପାଇ ସ୍ଥାନୀୟ ରାଜସ୍ୱ ନିରିକ୍ଷକ ପହଞ୍ଚି ଅନୁସନ୍ଧାନ କରିଛନ୍ତି।ତୁରନ୍ତ ଅଗ୍ନିବିପ୍ପନଙ୍କୁ ସରକାରୀ ସହାୟତା ଯୋଗାଇଦେବାକୁ ଦାବି କରିଛନ୍ତି ସ୍ଥାନୀୟ ଅଞ୍ଚଳବାସୀ।
Comments are closed.