ଈଶାନ୍-ଜାହ୍ନବୀ ଏଥର ଲୋକଙ୍କୁ ଠକିବେ!

ମୁମ୍ବଇ : ୨୦୧୮ରେ କରନ୍ ଜୋହର୍ ପ୍ରଯୋଜିତ ‘ଧଡ଼କ’ ଚଳଚ୍ଚିତ୍ରରେ ଈଶାନ୍ ଖଟ୍ଟର ଓ ଜାହ୍ନବୀ କପୁର କ୍ୟାରିୟର ଆରମ୍ଭ କରିଥିଲେ। ଚଳଚ୍ଚିତ୍ରଟି ସୁପରହିଟ୍ ହେବା ସହ ଦର୍ଶକ ମହଲରେ ଦୁଇଜଣଙ୍କ ଯୋଡ଼ିକୁ ଖୁବ୍ ପସନ୍ଦ କରାଯାଇଥିଲା। ଦ୍ବିତୀୟ ଥର ଦୁହେଁ ପୁଣି ଏକାଠି କାମ କରିବାର ସୁଯୋଗ ପାଇଛନ୍ତି। ଏଇ କିଛିଦିନ ତଳେ ଶୁଣାଯାଇଥିଲା ଯେ ୨୦୦୫ରେ ମୁକ୍ତିଲାଭ କରିଥିବା ‘ବଣ୍ଟି ଔର ବବ୍‌ଲି’ର ଦ୍ବିତୀୟ ଭାଗ କାମ ଆରମ୍ଭ ହେବ। ଶାଦ୍ ଅଲ୍ଲୀ ନିର୍ଦେଶିତ ଏଇ ସୁପରହିଟ୍ ଚଳଚ୍ଚିତ୍ରରେ ମୁଖ୍ୟ ଭୂମିକାରେ ଅଭିଷେକ ବଚ୍ଚନ ଓ ରାଣୀ ମୁଖାର୍ଜୀ ଅଭିନୟ କରିଥିଲେ। ଏବେ ଏହାର ଦ୍ବିତୀୟ ଭାଗରେ ଈଶାନ୍-ଜାହ୍ନବୀ କାମ କରିବେ ବୋଲି ପ୍ରଯୋଜକ ମହଲ ତରଫରୁ ଘୋଷଣା ହୋଇଛି। ମିଳିଥିବା ଖବର ଅନୁସାରେ, ଅଭି ଓ ରାଣୀ ମଧ୍ୟ ଏଥିରେ ଅତିଥି କଳାକାର ଭୂମିକାରେ କାମ କରିପାରନ୍ତି। ନିର୍ଦେଶକ ଶାଦ୍‌ଙ୍କ ମତରେ ଈଶାନ୍-ଜାହ୍ନବୀ ପରଦା ଉପରେ ଦର୍ଶକଙ୍କୁ ଠକିବା ନିଶ୍ଚିତ। ଚଳଚ୍ଚିତ୍ରର ସୁଟିଂ ଶୀଘ୍ର ଆରମ୍ଭ ହେବାର ଯୋଜନା ଚାଲିଛି।

Comments
Loading...