ଯାଜପୁର : ଆର୍ନ୍ତଜାତିକ ମହିଳା ଦିବସ ପାଳିତ

ଯାଜପୁର : ଯାଜପୁର ଗୌତମ ବୁଦ୍ଧ ସଂସ୍କୃତି ଭବନ ପରିସରରେ ଜିଲ୍ଲା ସ୍ତରୀୟ ଆର୍ନ୍ତଜାତିକ ମହିଳା ଦିବସ ପାଳିତ ହୋଇଯାଇଛି। ଜିଲ୍ଲା ସମାଜ ମଙ୍ଗଳ ବିଭାଗ ଓ ଆଇନ ସେବା ପ୍ରାଧିକରଣ ଦ୍ୱାରା ଆୟୋଜିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯାଜପୁର ସିଜିଏମ କୋର୍ଟ ବିଚାରପତି ଜୀବନାନନ୍ଦ ପାଢୀ ଯୋଗ ଦେଇଥିଲେ।  ଅତିରିକ୍ତ ଜିଲ୍ଲା ଜଜ ଏଡିଜେ ପ୍ରଶାନ୍ତ କୁମାର ନାୟକ ଓ ଜିଲ୍ଲା ଶିଶୁ ସୁରକ୍ଷା ୟୁନିଟ ଅଧିକାରୀ ନିରଞ୍ଜନ କର, ମିଶନ ଶକ୍ତି ଓ ଶିଶୁ ମଙ୍ଗଳ ସମିତିର ଅଧିକାରୀ ପ୍ରମୁଖ ଉପସ୍ଥିତ ଥିଲେ । ଆର୍ଥିକ ସାମାଜିକ ଶିକ୍ଷାଗତ ଓ ମାନସିକ ସ୍ତରରେ ନାରୀ ଜାତିର ଯେତେ ବିକାଶ ହୋଇପାରିବ ପରିବାର ଠାରୁ ଆରମ୍ଭ କରି ସାରା ଦେଶ ସେହିଭଳି ପ୍ରଗତିଶୀଳ ହୋଇପାରିବ ବୋଲି ଉପସ୍ଥିତ ଅତିଥିମାନେ ମତ ଦେଇଥିଲେ। ଆର୍ନ୍ତଜାତିକ ମହିଳା ଦିବସ ଉପଲକ୍ଷେ ଏକ ସଚେତନତା ଶୋଭାଯାତ୍ରା ସହର ପରିକ୍ରମା କରିଥିଲା। ପରିଶେଷରେ ବିଭିନ୍ନ ବର୍ଗରେ ଦକ୍ଷତା ଓ କୃତି ମହିଳାଙ୍କୁ ସମ୍ବର୍ଦ୍ଧିତ କରାଯାଇଥିଲା।

samajalive.in
Comments
Loading...