ଆନ୍ତର୍ଜାତିକ ସାକ୍ଷରତା ଦିବସ ପାଳିତ

ଚୌଦ୍ୱାର : ବିଦ୍ୟା ବିକାଶ ପରିଷଦ, ଉଦୟନାଥ ଚେରିଟେବୁଲ ଟ୍ରଷ୍ଟ ଏବଂ ଉତ୍କଳ ପୂଜନ ପରିଷଦର ମିଳିତ ଆନୁକୁଲ୍ୟରେ ଆନ୍ତର୍ଜାତିକ ସାକ୍ଷରତା ଦିବସ ଟ୍ରଷ୍ଟ ପରିସରରେ ପାଳିତ ହୋଇ ଯାଇଛି । ଶିକ୍ଷାବିତ୍ କୈଳାସ ଚନ୍ଦ୍ର ବରାଳଙ୍କ ପୌରୋହିତ୍ୟରେ ଆୟୋଜିତ ଏହି କାର୍ଯ୍ୟକ୍ରମରେ ସାମାଜିକ ସ୍ତରରେ ସାକ୍ଷରତାର ଗୁରୁତ୍ୱକୁ ପ୍ରଚାର ପ୍ରସାର କରିବା ଲକ୍ଷରେ ୟୁନେସ୍କୋ ପକ୍ଷରୁ ୧୯୬୭ ମସିହାରୁ ଆରମ୍ଭ କରାଯାଇଥିବା ଏହି ଦିବସର ତାତ୍ପର୍ଯ୍ୟ ଉପରେ କାର୍ଯ୍ୟକ୍ରମରେ ଉପସ୍ଥିତ ଅତିଥିମାନେ ଆଲୋଚନା କରି ସମାଜରୁ ନିରକ୍ଷରତାର ବ୍ୟଧିକୁ ଦୂର କରିବା ଦିଗରେ ସମସ୍ତେ ଉଦ୍ୟମ ଜାରୀ ରଖିବାକୁ ପରାମର୍ଶ ଦେଇଥିଲେ । ବିବେକାନନ୍ଦ ଶିକ୍ଷାକେନ୍ଦ୍ରର ମୁଖ୍ୟ ମାନସ କୁମାର ସାହୁ,ପବିତ୍ର ମୋହନ ସାହୁ,ମନୋରଞ୍ଜନ ସ୍ୱାଇଁ,ଧୀରେନ୍ଦ୍ରନାଥ ଜେଠି, ବିଚିତ୍ରାନନ୍ଦ ନାୟକ, ଅନନ୍ତ ନାୟକ ପ୍ରମୁଖ ଆଲୋଚନାରେ ଅଂଶ ଗ୍ରହଣ କରିଥିଲେ ।ସାରଳା ସାହିତ୍ୟ ସଂସଦ ସଭାପତି ଇଂ ପ୍ରଭାକର ସ୍ୱାଇଁ,ଶ୍ରୀକାନ୍ତ ବ୍ରହ୍ମା,ଡ. ଅର୍ଦ୍ଧେନ୍ଦୁ ଶେଖର ଭୋଳ,ଶ୍ୟାମ ସୁନ୍ଦର ସାମଲ,ଡ. ବସନ୍ତ କୁମାରୀ ନନ୍ଦ ପ୍ରମୁଖ ଆଭାସୀ ମାଧ୍ୟମରେ ଆଲେଶଚନାରେ ଅଂଶ ଗ୍ରହଣ କରିଥିଲେ ।ପ୍ରଭାତୀ ଜେନା,ଶରତ ଚନ୍ଦ୍ର ଧଳ, ରଶ୍ମିରେଖା ନାୟକ,ପୁଷ୍ପଲତା ସାହୁ, ସୁକାନ୍ତ ପ୍ରଧାନ ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ ।

Comments are closed.