ଜୟପୁର: ଜୟପୁର ବିଜୁ ପଟ୍ଟନାୟକ କୃଷି ଜୈବ ବିବିଧତା କେନ୍ଦ୍ରର ଏମ୍.ଏ,.ସ୍ୱାମୀନାଥନ ଗବେଷଣା ପ୍ରତିଷ୍ଠାନରେ ବୁଧବାର ଆନ୍ତର୍ଜାତୀୟ ଜୈବ ବିବିଧତା ଦିବସ ପାଳିତ ହୋଇଯାଇଛି। ଏହି ଅବସରରେ ଆୟୋଜିତ ଜୈବବିବିଧତା ଓ ଜଳବାୟୁ ପରବର୍ତନ ଶୀର୍ଷକ ଏକ ଆଲୋଚନା ଚକ୍ରରେ ମୁଖ୍ୟ ଅତିଥି ଭାବେ ଜୟପୁର ଡିଏଫଓ ଅଶ୍ୱିନୀ କର, ମୁଖ୍ୟବକ୍ତା ଭାବେ ସୁନାବେଢା ସ୍ଥିତ ଭାରତୀୟ କୃଷି ଅନୁସନ୍ଧାନ ପରିଷଦ ଡ.ଏମ୍. ମଧୁ, କେନ୍ଦ୍ରୀୟ ବିଶ୍ୱବିଦ୍ୟାଳୟରେ ଆସିଷ୍ଟାଣ୍ଡ ପ୍ରଫେସର ଡ. ଦେବବ୍ରତ ପଣ୍ଡା ନବରଙ୍ଗପୁରର ଡ. ପ୍ରଦୀପ କୁମାର ମିଶ୍ର ,ପଦ୍ମଶ୍ରୀ କମଳା ପୁଜାରୀ ପ୍ରମୁଖ ଯୋଗ ଦେଇଥିଲେ।
କାର୍ଯ୍ୟକ୍ରମରେ ବୈପାରିଗୁଡା,କୁନ୍ଦୁରା ଓ କୋରାପୁଟ ବ୍ଲର ପୁରୁଷ ଓ ମହିଳା ଚାଷୀ ,ଦିଶାରୀ, ଜୈବବିବିଧତା ପରିଚାଳନା କମିଟିର ସଦସ୍ୟା, ସ୍କୁଲର ଛାତ୍ର ଛାତ୍ରୀଙ୍କ ସହିତ ବିଭିନ୍ନ ସରକାରୀ ସଂସ୍ଥାର କର୍ମଚାରୀ ସହ ୨ଶହରୁ ଅଧିକ ଲୋକ ଯୋଗ ଦେଇଥିଲେ। ପ୍ରଦର୍ଶନୀରେ ଭାଗ ନେଇଥିବା ଚାଷୀ ଓ ଡିଶାରୀମାନଙ୍କ ମଧ୍ୟରୁ ସର୍ବତୋମ ପ୍ରଦର୍ଶନ କରିଥିବା ଜୈବସମ୍ବଳ ବ୍ୟକ୍ତିବିଶେଷଙ୍କୁ ମାନପତ୍ର ସହ ପୁରସ୍କାର ପ୍ରଦାନ କରାଯାଇଥିଲା।
Comments are closed.