ଆଇନକ୍ସର ବଡ଼ ଘୋଷଣା: ଅଲିମ୍ପିକ୍ ପଦକ ବିଜେତାଙ୍କୁ ଆଜୀବନ ମାଗଣା ଫିଲ୍ମ ଦେଖାଇବ

ନୂଆଦିଲ୍ଲୀ: ଭାରତୀୟ କ୍ରୀଡ଼ାବିତମାନେ ଟୋକିଓ ଅଲିମ୍ପିକ୍ସରେ ଅଂଶଗ୍ରହଣ କରିଛନ୍ତି ଏବଂ ଦେଶ ପାଇଁ ପଦକ ଜିତିବା ପାଇଁ ଯଥାସମ୍ଭବ ଚେଷ୍ଟା କରୁଛନ୍ତି। ଏହାସହ ସମସ୍ତ ଦେଶବାସୀ ପଦକ ଜିତିବା ପାଇଁ ପ୍ରାର୍ଥନା କରୁଛନ୍ତି ଏବଂ କ୍ରୀଡ଼ାବିତଙ୍କୁ ଉତ୍ସାହିତ କରୁଛନ୍ତି। ନିକଟରେ ମୀରବାଈ ଚାନୁ ଭାରୋତ୍ତୋଳନରେ ରୌପ୍ୟ ପଦକ ଜିତିଛନ୍ତି। ତେବେ ଟୋକିଓ ଅଲିମ୍ପିକ୍ସର ଉଦଘାଟନୀ ଦିବସରେ ଦେଶ ପାଇଁ ରୌପ୍ୟ ପଦକ ଜିତିଥିବା ଭାରୋତ୍ତୋଳନକାରୀ ମୀରାବାଈ ଚାନୁଙ୍କ ପାଇଁ ଡୋମିନୋସ୍‌ ଆଜୀବନ ମାଗଣା ପିଜ୍ଜା ଘୋଷଣା କରିଥିଲା। ବର୍ତ୍ତମାନ ଆଇନକ୍ସ ସିନେମା ମଧ୍ୟ ଭାରତୀୟ ଦଳ ପାଇଁ ଏକ ବଡ଼ ଘୋଷଣା କରିଛି। ସମସ୍ତ ପଦକ ବିଜେତାଙ୍କୁ ଆଇନକ୍ସ ଆଜୀବନ ମାଗଣା ଚଳଚ୍ଚିତ୍ର ଟିକେଟ୍ ଯୋଗାଇବ। ଏହାସହିତ ଅଲିମ୍ପିକ୍ସରେ ଅଂଶଗ୍ରହଣ କରିଥିବା ସମସ୍ତ କ୍ରୀଡ଼ାବିତଙ୍କୁ ଏକ ବର୍ଷ ମାଗଣା ଚଳଚ୍ଚିତ୍ର ଦେଖାଇବ ଆଇନକ୍ସ। ଏନେଇ ଆଇନକ୍ସ ପକ୍ଷରୁ ଟ୍ବିଟ୍ କରି ସୂଚନା ଦିଆଯାଇଛି।

INOX takes immense pride in all the endeavors of #TeamIndia at #Tokyo2020 ?✨
We are happy to announce free movie tickets for lifetime for all the medal winners?& for one year for all the other athletes?️?️#AayegaIndia #INOXForTeamIndia #EkIndiaTeamIndia #Respect #JaiHind ?? pic.twitter.com/evaAAJbgKx

— INOX Leisure Ltd. (@INOXMovies) July 27, 2021

ଅପରପକ୍ଷରେ ପ୍ରତିଶୃତି ଅନୁଯାୟୀ, ମୀରାମାଈ ଚାନୁ ଘରେ ପହଞ୍ଚିବା ମାତ୍ରେ ଡୋମିନୋସ୍‌ ପକ୍ଷରୁ ତାଙ୍କୁ ପାଖରେ ପିଜ୍ଜା ଆସି ପହଞ୍ଚି ଯାଇଥିଲା। ଏହା ଦେଖି ଚାନୁ ଖୁବ୍‌ ଖୁସି ହେବା ସହ ତାଙ୍କ ଇଚ୍ଛା ପୂରଣ କରିଥିବାରୁ ଡୋମିନୋସକୁ କୃତଜ୍ଞତା ଜ୍ଞାପନ କରିଥିଲେ। ଏଥିସହ ପିଜ୍ଜା ଧରିଥିବା ଏକ ଫଟୋ ସାମାଜିକ ଗଣମାଧ୍ୟମରେ ଶେୟାର କରିଛନ୍ତି।