କରୋନା ପରୀକ୍ଷା ପାଇଁ ପ୍ରସ୍ତୁତ ଭାରତୀୟ ବୈଜ୍ଞାନିକଙ୍କର ନୂତନ କୌଶଳ, ୨-୩ ଦିନରେ ହେବ ୫୦ହଜାର ନମୁନା ପରୀକ୍ଷା

-ନୂତନ ପଦ୍ଧତିରେ ଶୀଘ୍ର ପରୀକ୍ଷା କରିବାକୁ ସକ୍ଷମ ହେବେ,ଟି ବଫର୍ ଟେକ୍ନୋଲୋଜିରେ କାମ କରାଯିବ
-ଟି ବଫର୍ କୌଶଳ ମାଧ୍ୟମରେ ଆରଟି-ପିସିଆର ପଦ୍ଧତିକୁ ପରିବର୍ତ୍ତନ କରାଯାଇଛି
-ହାଇଦରାବାଦର ବୈଜ୍ଞାନିକମାନଙ୍କର ଗବେଷଣାର ଫଳ, ଟିଇ କୌଶଳରେ କାର୍ଯ୍ୟ କରି ପାଇଲେ ସଫଳତା
– ଆରଟି-ପିସିଆର ଅପେକ୍ଷା୪୦% ଶସ୍ତା, ୨୦%ଅଧିକ ପ୍ରଭାବଶାଳୀ

ହାଇଦରାବାଦ : କରୋନା ଭୂତାଣୁ ସହିତ ଭାରତକୁ ଆଉ ଏକ ବଡ଼ ସଫଳତା ମିଳିଛି। ଅଦ୍ୟାବଧି, ବିଶ୍ବ ବ୍ୟାପି ଆରଟି-ପିସିଆର ପଦ୍ଧତିକୁ ଭୂତାଣୁ ଚିହ୍ନଟ କରିବାର ସବୁଠାରୁ ନିର୍ଭରଯୋଗ୍ୟ ଉପାୟ ଭାବରେ ବିବେଚନା କରାଯାଉଥିଲା। କିନ୍ତୁ ବର୍ତ୍ତମାନ ଭାରତୀୟ ବୈଜ୍ଞାନିକମାନେ ଗବେଷଣା କରି ଅନ୍ୟ ଏକ ପଦ୍ଧତି ପ୍ରସ୍ତୁତ କରିଛନ୍ତି। ପ୍ରଥମ ଥର ପାଇଁ ଏକ କୌଶଳ ପ୍ରସ୍ତୁତ କରାଯାଇଛି ଯାହା ମାଧ୍ୟମରେ କମ୍ ସମୟ ଏବଂ କମ୍ ଖର୍ଚ୍ଚରେ ଭୂତାଣୁ  ଚିହ୍ନଟ ହୋଇପାରିବ।

ଏହାକୁ ବିଶ୍ବର ଦ୍ରୁତ ଗବେଷଣା ବୋଲି ମଧ୍ୟ କୁହାଯାଉଛି। ହାଇଦ୍ରାବାଦ ଭିତ୍ତିକ ସେଣ୍ଟର ଫର ସେଲୁଲାର୍ ଏବଂ ମଲିକୁଲାର ବାୟୋଲୋଜି (ସିସିଏମବି-ସିଏସଆଇଆର)ର ​ବୈଜ୍ଞାନିକମାନେ ଆରଏନଏ ପରୀକ୍ଷା ପାଇଁ ଆରଟି-ପିସିଆରର ପରିବର୍ତ୍ତିତ କୌଶଳ ବିକଶିତ କରିଛନ୍ତି।

ଟିଇ ବଫର୍ କୌଶଳ ବ୍ୟବହାର ଦ୍ବାରା ଆରଟି-ପିସିଆର ଚିହ୍ନଟ ପ୍ରାୟ ଅଧା ସମୟ ନେଇଥାଏ। ବର୍ତ୍ତମାନ ଗୋଟିଏ ନମୁନାର ଆରଟି-ପିସିଆର ପରୀକ୍ଷା ପାଇଁ ଲ୍ୟାବରେ ପ୍ରାୟ ଦୁଇରୁ ତିନି ଘଣ୍ଟା ସମୟ ଲାଗିଥାଏ। କିନ୍ତୁ ଏହି ନୂତନ ଟେକ୍ନୋଲୋଜି କେବଳ ୪୦ ପ୍ରତିଶତ ଶସ୍ତା ହେବ ନାହିଁ, ବରଂ ୨୦ ପ୍ରତିଶତ ଅଧିକ ପ୍ରଭାବଶାଳୀ ଫଳାଫଳ ମଧ୍ୟ ପାଇପାରିବ।

ସିସିଏମବି ନିର୍ଦ୍ଦେଶକ ଡକ୍ଟର ରାକେଶ ମିଶ୍ର ସୂଚନା ଦେଇଛନ୍ତି ଯେ ଏହି ଟେକ୍ନୋଲୋଜି ସହ ଜଡିତ ସମସ୍ତ ସୂଚନା ଆଇସିଏମଆରକୁ ପଠାଯିବ, ଏହା ପରେ ଏହା ଉପରେ ଅଧିକ କାର୍ଯ୍ୟ ଆରମ୍ଭ ହେବ। ଅବଶ୍ୟ, ଏହି କୌଶଳ ରୋଗୀର ପରୀକ୍ଷଣରେ ନୁହେଁ, ବହୁ ପରିମାଣରେ ଭୂତାଣୁ ଚିହ୍ନଟ କରିବାରେ ବ୍ୟବହୃତ ହୋଇପାରେ।
ଏଥିରେ ମଧ୍ୟ, ଗଳା ଏବଂ ନାକରୁ ଏକ ସ୍ବାବ୍ ନେବା ପରେ ସେମାନେ ଆରଏଏନଏ ପରୀକ୍ଷା କରାଯାିଥାଏ।  ଦିଲ୍ଲୀ ଆଇସିଏମଆରର ଜଣେ ବରିଷ୍ଠ ଅଧିକାରୀ କହିଛନ୍ତି ଯେ ଏହି ପ୍ରକଳ୍ପ ଦ୍ରୁତ ଗତିରେ ଅଗ୍ରଗତି କରୁଛି। ଆସନ୍ତା ଦେଢ ସପ୍ତାହ ମଧ୍ୟରେ ଏହି ପ୍ରକଳ୍ପ ଉପରେ ନିଷ୍ପତ୍ତି ନିଆଯାଇପାରେ।

 

Comments
Loading...