ଫେସବୁକ୍, ପବ୍ଜୀ ଓ ଟିଣ୍ଡର ଭଳି ୮୯ଟି ଆପ୍ ଡିଲିଟ୍ କରିବାକୁ ଭାରତୀୟ ଯବାନଙ୍କୁ ନିର୍ଦ୍ଦେଶ
ନୂଆଦିଲ୍ଲୀ: ଭାରତୀୟ ସେନା ନିଜ ଯବାନମାନଙ୍କୁ ସ୍ମାର୍ଟଫୋନରୁ ୮୯ଟି ଆପ୍ ଡିଲିଟ୍ କରିବାକୁ ନିର୍ଦ୍ଦେଶ ଦେଇଛି। ମିଳିଥିବା ସୂଚନା ମୁତାବକ, କୌଣସି ତଥ୍ୟ କିମ୍ବା ସୂଚନା ଯେପରି ଲିକ୍ ନ ହେବ ଏହାକୁ ଦୃଷ୍ଟିରେ ରଖି ଏପରି ନିଷ୍ପତ୍ତି ନିଆଯାଇଛି। ଏହି ଆପ୍ଗୁଡ଼ିକ ମଧ୍ୟରେ ଟିକ୍ଟକ୍, ଟ୍ରୁକଲର ଓ ଇନ୍ଷ୍ଟାଗ୍ରାମ ଆଦିର ନାଁ ମଧ୍ୟ ସାମିଲ ଅଛି। ଏନେଇ ନିକଟରେ ଜାରି କରାଯାଇଥିବା ନିର୍ଦ୍ଦେଶାବଳୀରେ ଯବାନମାନଙ୍କୁ ଟିଣ୍ଡର ଭଳି ଡେଟିଂ ଆପ୍ ଓ ଡେଲୀହଣ୍ଟ ଭଳି ସମାଚାର ଆପ୍ ମଧ୍ୟ ଡିଲିଟ୍ କରିବାକୁ କୁହାଯାଇଛି।
ଅନ୍ୟାନ୍ୟ ଆପ୍ଗୁଡ଼ିକ ମଧ୍ୟରେ ଫେସବୁକ୍, ଭିଚାଟ୍, ହାଇକ୍, ଲାଇକୀ, ଶେୟାରଇଟ୍, ୟୁସି ବ୍ରାଉଜର, ବିଗୋ ଲାଇଭ, ଜୁମ୍, କ୍ୟାମ୍ସ୍କାନର, ବ୍ୟୁଟି ପ୍ଲସ, ପବଜୀ ସମେତ ଟେନ୍ସେଣ୍ଟ୍ର ସମସ୍ତ ଗେମିଂ ଆପ୍, କ୍ଲବ ଫ୍ୟାକ୍ଟ୍ରୀ, ହେପ୍ପନ୍, ବମ୍ବଲ, ୩୬୦ ସିକ୍ୟୁରିଟୀ, ପ୍ରତିଲିପି, ହଙ୍ଗାମା ଆଦି ଆପ୍ର ନାଁ ସାମିଲ ଅଛି।
Army personnel have also been asked to delete dating apps such as Tinder, Couch Surfing along with news apps like Daily Hunt in the instructions issued recently: Indian Army Sources https://t.co/NerjcBCZbO
— ANI (@ANI) July 8, 2020
ସୂଚନାଯୋଗ୍ୟ, ଡାଟା ସୁରକ୍ଷାକୁ ଦୃଷ୍ଟିରେ ରଖି ଭାରତ ସରକାର ପୂର୍ବରୁ ଚୀନର ୫୯ଟି ଆପ୍ ଉପରେ ପ୍ରତିବନ୍ଧ ଲଗାଇ ସାରିଛନ୍ତି।
Comments are closed.