ନୂଆଦିଲ୍ଲୀ: ଅନ୍ୟ ଦେଶର ଆଭ୍ୟନ୍ତରୀଣ ମାମଲାରେ ମୁଣ୍ଡ ନ ଖେଳାଇବାକୁ ଓ କୌଣସି ଟିପ୍ପଣୀ ନ ଦେବାକୁ ଚୀନକୁ ଭାରତ ଦେଇଛି ଚେତାବନୀ । ଚୀନୀ ବିଦେଶ ମନ୍ତ୍ରଣାଳୟର ଜଣେ ମୁଖପାତ୍ରଙ୍କ ଟିପ୍ପଣୀ ଆଧାରରେ ଭାରତ ଚୀନକୁ ଏପରି କଠୋର ବାଣୀ ଶୁଣାଇଛି । ଭାରତ ବିଦେଶ ମନ୍ତ୍ରଣାଳୟ ପକ୍ଷରୁ କୁହାଯାଇଛି ଯେ ଚୀନ ବିଦେଶ ମନ୍ତ୍ରଣାଳୟ ମୁଖପାତ୍ରଙ୍କ ପକ୍ଷରୁ କେନ୍ଦ୍ରଶାସିତ ପ୍ରଦେଶ ଜାମ୍ମୁକାଶ୍ମୀର ସମ୍ପର୍କରେ ଦିଆଯାଇଥିବା ଟିପ୍ପଣୀକୁ ଆମେ ଅତ୍ୟନ୍ତ ଗୁରତ୍ଵର ସହ ଗ୍ରହଣ କରିଛୁ । ଚୀନର ଏହି ମାମଲାରେ କୌଣସି ସମ୍ପର୍କ ନାହିଁ । ଅନ୍ୟ ଦେଶର ଆଭ୍ୟନ୍ତରୀଣ ମାମଲାରେ କୌଣସି ମନ୍ତବ୍ୟ ଦିଅନ୍ତୁ ନାହିଁ ।
We have noted the comments of the Chinese MFA spokesperson on the Indian Union Territory of Jammu and Kashmir. The Chinese side has no locus standi whatsoever on this matter and is advised not to comment on the internal affairs of other nations: Ministry of External Affairs (MEA) pic.twitter.com/8pPVBg5Vql
— ANI (@ANI) August 5, 2020
ଏଠାରେ ଉଲ୍ଲେଖଯୋଗ୍ୟ ଯେ ମିଳିତ ଜାତିସଂଘରେ ଚୀନର ସ୍ଥାୟୀ ପ୍ରତିନିଧି ମଙ୍ଗଳବାର ଜାମ୍ମୁକାଶ୍ମୀର ସମ୍ପର୍କରେ ଏକ ଟିପ୍ପଣୀ ଦେଇଥିଲେ । ଚୀନ ସ୍ଥାୟୀ ପ୍ରତିନିଧି ଜାମ୍ମୁକାଶ୍ମୀରର ବିଭାଜନ ଓ ଦୁଇ କେନ୍ଦ୍ରଶାସିତ ପ୍ରଦେଶ ଗଠନକୁ ସମାଲୋଚନା କରିଥିଲେ। କେବଳ ସେତିକି ନୁହେଁ ଭାରତ ଓ ପାକିସ୍ଥାନ ନିଜ ନିଜ ମଧ୍ୟରେ ଆଲୋଚନା କରି କାଶ୍ମୀର ବିବାଦର ସମାଧାନ କରିବାକୁ ଆହ୍ବାନ ଦେଇଥିଲେ । ଚୀନ ପ୍ରବକ୍ତା କହିଥିଲେ କାଶ୍ମୀର ପ୍ରସଙ୍ଗରେ ଚୀନ ବେଶ ସତର୍କ ରହିଛି । କାଶ୍ମୀର ପ୍ରସଙ୍ଗରେ ଚୀନର ସ୍ଥିତି ସ୍ପଷ୍ଟ ଓ ସୁସଙ୍ଗତ । ଏହି ପ୍ରସଙ୍ଗ ଭାରତ ଓ ପାକିସ୍ଥାନ ସହ ଜଡ଼ିତ ।
ଚୀନ ଅଧିକାରୀଙ୍କ ଏହି ମନ୍ତବ୍ୟକୁ ଭାରତ ବେଶ୍ ଗୁରୁତ୍ଵ ଦେଇଛି । ଭାରତ ଏ ସମ୍ପର୍କରେ ତୀବ୍ର ପ୍ରତିକ୍ରିୟା ପ୍ରକାଶ କରି ଅନ୍ୟ ଦେଶ କଥାରେ ମୁଣ୍ଡ ନ ଖେଳାଇବାକୁ ଚୀନ ପ୍ରତିପକ୍ଷକୁ ପରାମର୍ଶ ଦେଇଛି ।
Comments are closed.