ନୂଆଦିଲ୍ଲୀ: ଉତ୍ତରପ୍ରଦେଶ ଆଗ୍ରାରୁ ପାକିସ୍ତାନକୁ ଯାଉଥିବା ଡାକ ସେବା ବନ୍ଦ କରାଯାଇଛି। ଡାକ ବିଭାଗ ପାକିସ୍ତାନ ପାଇଁ ବୁକିଂ ବନ୍ଦ କରିଥିବା ଜଣାପଡିଛି। ପାକିସ୍ତାନ ପକ୍ଷରୁ ପ୍ରଥମେ ଏହି ସେବା ବହୁ ପୂର୍ବରୁ ବନ୍ଦ କରି ଦିଆଯାଇଥିବା ବେଳେ ଭାରତ ଏ ନେଇ ପଦକ୍ଷେପ ଗ୍ରହଣ କରିଛି। ସେଠାକାର ପୋଷ୍ଟ ମାଷ୍ଟର ଜେନେରାଲ ଅୱେଶ ଉପମନ୍ୟୁ ଡାକ ବିଭାଗର ସମସ୍ତ ନିମ୍ନ କାର୍ଯ୍ୟାଳୟକୁ ଏ ସମ୍ପର୍କିତ ନିର୍ଦ୍ଦେଶ ଜାରି କରି ପାକିସ୍ତାନ ଯିବାପାଇଁ ଆସୁଥିବା କୌଣସି ଚିଠି କିମ୍ବା ପାର୍ସଲ ବୁକିଂ ନ ରଖିବା ପାଇଁ କୁହାଯାଇଛି। ତେଣୁ ଆଉ ପାକିସ୍ତାନକୁ ଗୋଟିଏ ବି ଚିଠି ନ ଯିବା ନିଶ୍ଚିତ ହୋଇଛି।
ମିଳିଥିବା ସୂଚନା ଅନୁଯାୟୀ, ଚଳିତ ବର୍ଷ ଅଗଷ୍ଟ ୨୩ରେ ଭାରତକୁ ଆସୁଥିବା ଡାକ ସେବା ପାକିସ୍ତାନ ବନ୍ଦ କରିଦେଇଥିଲା କିନ୍ତୁ ଭାରତକୁ ସେ ସମ୍ପର୍କରେ ଜଣାଇ ନ ଥିଲା। ଭାରତରୁ ଡାକ ନେବା ମଧ୍ୟ ପାକିସ୍ତାନ ବନ୍ଦ କରି ଦେଇଥିଲା। ପାକିସ୍ତାନ ଡାକ ନ ନେବାରୁ ଏହା ପୁଣି ଭାରତକୁ ଫେରି ଆସିଥିଲା ଓ ସ୍ପଷ୍ଟ ହୋଇଥିଲା ଯେ ପାକିସ୍ତାନ ଡାକ ବୁକିଂ ବନ୍ଦ କରିସାରିଛି। ଦିଲ୍ଲୀସ୍ଥିତ ଡାକଭବନରୁ ଚଳିତ ମାସ ୧୮ରେ ଦିଆଯାଇଥିବା ନିର୍ଦ୍ଦେଶ ଅନୁଯାୟୀ ପାକିସ୍ତାନ ଯିବାକୁ ଥିବା ପ୍ରତ୍ୟେକ ଡାକ ବୁକିଂ ତତ୍କାଳ ବନ୍ଦ କରିବାକୁ କୁହାଯାଇଥିଲା।
Comments are closed.