ତିରୁଅନନ୍ତପୁରମ୍: ଦ୍ବିତୀୟ ଟି-୨୦ ରେ ଟସ୍ ଜିତି ବୋଲିଂ ନିଷ୍ପତ୍ତି ନେଇଛି ଭ୍ରମଣକାରୀ ଦଳ ୱେଷ୍ଟଇଣ୍ଡିଜ। ଭାରତକୁ ପ୍ରଥମେ ବ୍ୟାଟିଂ କରିବାପାଇଁ ଆମନ୍ତ୍ରଣ କରିଛି ୱେଷ୍ଟଇଣ୍ଡିଜ। ଆଜିର ମ୍ୟାଚରେ ଭାରତୀୟ ଦଳରେ କୌଣସି ପରିବର୍ତ୍ତନ ହୋଇନଥିବା ବେଳେ ୱେଷ୍ଟଇଣ୍ଡିଜଦଳ ଗୋଟିଏ ପରିବର୍ତ୍ତନ କରିଛି। ରାମଦିନଙ୍କ ବଦଳରେ ୱେଷ୍ଟଇଣ୍ଡିଜ ପୋରନଙ୍କକୁ ଦଳରେ ସାମିଲ କରିଛି।
ଏଠାରେ ସୂଚନାଯୋଗ୍ୟ ପ୍ରଥମ ଟି-୨୦ରେ ଭାରତ ଚମତ୍କାର ବ୍ୟାଟିଂ ପ୍ରଦର୍ଶନ ବଳରେ ୱେଷ୍ଟଇଣ୍ଡିଜ୍ ବିପକ୍ଷରେ ବିଜୟୀ ହୋଇଥିଲା । ତେବେ ଫିଲ୍ଡିଂ ଓ ବୋଲିଂକୁ ନେଇ ଭାରତ ଚିନ୍ତାରେ ରହିଛି। ଭାରତୀୟଙ୍କ ଦୁର୍ବଳ ବୋଲିଂ ଓ ଫିଲ୍ଡିଂର ଫାଇଦା ଉଠାଇ ୱେଷ୍ଟଇଣ୍ଡିଜ୍ ୨ ଶହରୁ ଅଧିକ ରନ୍ କରି ପାରିଥିଲା। କେ.ଏଲ୍. ରାହୁଲ ଓ ଅଧିନାୟକ ବିରାଟ କୋହଲିଙ୍କ ବ୍ୟାଟିଂ ଯୋଗୁଁ ଭାରତ ଏହି ମ୍ୟାଚ୍ ଜିତି ପାରିଥିଲା। ଆଜିର ୨ୟ ଟ୍ବେଣ୍ଟି୨୦ ମ୍ୟାଚରେ ଭାରତ ବୋଲିଂ ଓ ଫିଲ୍ଡିଂରେ ଉନ୍ନତି କରିବା ଲକ୍ଷ୍ୟରେ ରହିଛି। ଏହାସହ ୨ୟ ଦିନିକିଆ ମ୍ୟାଚ୍କୁ ଜିତି ୨-୦ରେ ଆଗୁଆ ହୋଇ ସିରିଜ୍ ହାତେଇବା ଲାଗି ଭାରତ ଲକ୍ଷ୍ୟ ରଖିଛି। ଅନ୍ୟପକ୍ଷରେ ଭାରତ ପରି ୱେଷ୍ଟଇଣ୍ଡିଜ୍ ମଧ୍ୟ ବୋଲିଂ ଓ ଫିଲ୍ଡିଂକୁ ନେଇ ଚିନ୍ତାରେ। ଏହାର ବ୍ୟାଟ୍ସମ୍ୟାନ୍ ଭଲ ପ୍ରଦର୍ଶନ କରି ୨୦୭ ରନ୍ର ସ୍କୋର୍ ଛିଡ଼ା କରିଥିଲେ ହେଁ ଦୁର୍ବଳ ବୋଲିଂ ଯୋଗୁଁ ଏହା ପରାସ୍ତ ହୋଇଥିଲା। ତେଣୁ ଭାରତ ପରି ବୋଲିଂ ଓ ଫିଲ୍ଡିଂ ବିଭାଗରେ ଉନ୍ନତି କରିବା ଲକ୍ଷ୍ୟରେ ଇଣ୍ଡିଜ୍ ରହିଛି। କୈରନ୍ ପୋଲାର୍ଡଙ୍କ ଦଳ ଉପରେ ଏହି ଚାପ ରହିବ ଯେ ସିରିଜ୍ ବଞ୍ଚାଇବା ପାଇଁ ଦଳକୁ ଆଜିର ୨ୟ ଟ୍ବେଣ୍ଟି୨୦ ମ୍ୟାଚ୍ ନିଶ୍ଚୟ ଜିତିବାକୁ ପଡ଼ିବ।
Comments are closed.