ଅଷ୍ଟ୍ରେଲିଆ-ଭାରତ ଏକଦିବସୀୟ: ବିରାଟ୍ ବାହିନୀ ଆଗରେ ୩୭୫ ରନର ଲକ୍ଷ୍ୟ

ଭାରତ ଓ ଅଷ୍ଟ୍ରେଲିଆ ମଧ୍ୟରେ ଆଜି ସିଡନୀରେ ଚାଲିଥିବା ଏକଦିବସୀୟ ମ୍ୟାଚରେ ଅଷ୍ଟ୍ରେଲିଆ ପ୍ରଥମେ ବ୍ୟାଟିଂ କରି ୩୭୪ ରନ ସ୍କୋର କରିଛି। ଅଷ୍ଟ୍ରେଲିଆର ପ୍ରମୁଖ ବ୍ୟାଟ୍ସମ୍ୟାନ୍ ଆରୋନ୍ ଫିଞ୍ଚ ଏବଂ ଷ୍ଟିଭେନ ସ୍ମିଥ୍ ଶତକ ହାସଲ କରିଛନ୍ତି। ଆଜି ଟସ ଜିତି ଅଷ୍ଟ୍ରେଲିଆ ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା ଓ ୫୦ ଓଭରରେ ୬ ୱିକେଟ୍ ହରାଇ ୩୭୪ ରନ କରିଛି।ଅଷ୍ଟ୍ରେଲିଆର ଅଧିନାୟକ ଆରୋନ ଫିଞ୍ଚ ୧୧୪ ରନ୍, ଷ୍ଟିଭେନ୍ ସ୍ମିଥ୍ ୧୦୫, ଡେଭିଡ୍ ୱାର୍ନର ୬୯, ଗ୍ଲେନ୍ ମ୍ୟାକ୍ସୱେଲ ୪୫ ରନ୍ ସ୍କୋର କରିଥିବା ବେଳେ ଭାରତର ମହମ୍ମଦ ଶାମି ୩ଟି ୱିକେଟ୍ ନେଇଥିବା ବେଳେ ଜସପ୍ରୀତ ବୁମରା, ନଭଦୀପ ସଇନି, ୟୁଜବେନ୍ଦ୍ର ଚହଲ ଗୋଟିଏ ଲେଖାଏଁ ୱିକେଟ୍ ଅକ୍ତିଆର କରିଛନ୍ତି।

ବର୍ତ୍ତମାନ ସୁଦ୍ଧା ଭାରତ ୯.୩ ଓଭରରେ ୨ ୱିକେଟ୍ ହରାଇ ୭୮ ରନ କରିଛି। ଶିଖର ଧାୱନ ୨୪ ରନ କରି କ୍ରିଜରେ ଥିବାବେଳେ ବିରାଟ କୋହଲି ୨୧ ଓ ମୟଙ୍କ ଅଗ୍ରୱାଲ ୨୨ ରନ କରି ଆଉଟ ହୋଇଛନ୍ତି।

Comments
Loading...