ଆଇସିସି ଦିନିକିଆ ମାନ୍ୟତା : କୋହଲି ବିଶ୍ୱର ଏକ ନମ୍ବର, ୨ୟ ସ୍ଥାନରେ ରୋହିତ

ଦୁବାଇ : ଅଷ୍ଟ୍ରେଲିଆ ଗସ୍ତରେ ଯାଇଥିବା ଭାରତୀୟ ଦଳ ଯଦିଓ ଦିନିକିଆ ସିରିଜରେ ୧-୨ ପରାଜିତ ହୋଇଛି। କିନ୍ତୁ ଅଧିନାୟକ ବିରାଟ କୋହଲି ବିଶ୍ୱର ଏକ ନମ୍ବର ବ୍ୟାଟ୍ସମ୍ୟାନ୍ ମାନ୍ୟତା ବଜାୟ ରଖିଛନ୍ତି। ଆଇସିସିର ସଦ୍ୟ ମାନ୍ୟତାରେ କ୍ୟାପଟେନ କୋହଲି ଶୀର୍ଷରେ ରହିଛନ୍ତି । ବିରାଟ ଏହି ସିରିଜରେ ଦୁଇ ଅର୍ଦ୍ଧଶତକ (୮୯ ଏବଂ ୬୩ ରନ୍) ସହିତ ୮୭୦ ପଏଣ୍ଟ ସ୍କୋର କରି ଏକ ନମ୍ବର ବ୍ୟାଟ୍ସମ୍ୟାନ୍ ଭାବେ ଚଳିତ ବର୍ଷ ଶେଷ କରିବେ।

? One ?, two fifties
? 249 runs at 83

Australia captain Aaron Finch, who was the top run-scorer in the #AUSvIND ODIs, has moved into the top five in the @MRFWorldwide ICC Men’s ODI Batting Rankings ? pic.twitter.com/U2ZSH5fDCW

— ICC (@ICC) December 10, 2020

ଭାରତର ରୋହିତ ଶର୍ମା, ପାକିସ୍ତାନୀ ଅଧିନାୟକ ବାବର ଆଜମ, ନ୍ୟୁଜିଲ୍ୟାଣ୍ଡର ରସ୍ ଟେଲର ଏବଂ ଅଷ୍ଟ୍ରେଲୀୟ ଅଧିନାୟକ ଆରୋନ ଫିଞ୍ଚ ଯଥାକ୍ରମେ ଦ୍ୱିତୀୟ, ତୃତୀୟ, ଚତୁର୍ଥ ଏବଂ ପଞ୍ଚମ ସ୍ଥାନରେ ଅଛନ୍ତି । ନିଜ ବ୍ୟାଟିଂରେ ସମସ୍ତଙ୍କୁ ଆକର୍ଷିତ କରିଥିବା ହାର୍ଦ୍ଦିକ ପାଣ୍ଡ୍ୟା ପ୍ରଥମ ଥର ପାଇଁ ଦିନିକିଆ ବ୍ୟାଟ୍ସମ୍ୟାନ୍ ମାନ୍ୟତାର ଶୀର୍ଷ -୫୦ରେ ପ୍ରବେଶ କରିଛନ୍ତି। କ୍ୟାରିୟର ଶ୍ରେଷ୍ଠ ୫୫୩ ପଏଣ୍ଟ ସଂଗ୍ରହ କରି ହାର୍ଦ୍ଦିକ ୪୯ ତମ ସ୍ଥାନରେ ପହଞ୍ଚିଛନ୍ତି।