MEllora 950×100

ଶନିବାର ରାଶିଫଳ (୨୦/୧୧/୨୦୨୧)

ମେଷ :  ପୁଣ୍ୟକର୍ମାଦି ହେତୁ ଧନୀ ହୋଇପାରନ୍ତି। ପ୍ରଭାବଶାଳୀ ହେବେ। ନୀତିନିଷ୍ଠ ହେବାର ସୂଚନା ମିଳୁଛି। ପୁତ୍ରଲାଭ ହୋଇପାରେ। ଚତୁଷ୍ପଦଯୁକ୍ତ ଓ ପ୍ରିୟ ବାନ୍ଧବଯୁକ୍ତ ହେବେ। ସୁସ୍ଥ ଓ ନିରାମୟ ରହିବେ।

ବୃଷ : ଶୌର୍ଯ୍ୟଶାଳୀ ହେବେ। ଶତ୍ରୁହନ୍ତା, କ୍ଲେଶ ସହିଷ୍ଣୁ, ବିଚକ୍ଷଣ ବୁଦ୍ଧିଯୁକ୍ତ, ସଂସ୍କାରୀ, ଗୃହୀ, ସଞ୍ଚିତ ଧନଯୁକ୍ତ ହେବେ। ସୁସ୍ଥ ଓ ନିରାମୟ ରହିବେ। ସ୍ଥିର ସମ୍ପଦଯୁକ୍ତ, କମନୀୟ, ବପୁମାନ ହେବେ। ସୁଖୀ ହେବେ।

ମିଥୁନ : ପତ୍ନୀଙ୍କ ବିଳାସ-ବ୍ୟସନ ପାଇଁ ଧନ ବ୍ୟୟ କରିପାରନ୍ତି। ପୁତ୍ରର ଭବିଷ୍ୟତ ପାଇଁ ମଧ୍ୟ ଅଧିକ ବ୍ୟୟ କରିବେ। ଅଯଥା ବିତର୍କରୁ ଓହରି ଯାଇପାରନ୍ତି। ମଧୁର କଥା ଯୋଗୁଁ ସମସ୍ତଙ୍କର ଆଦରଣୀୟ ହେବେ।

କର୍କଟ : ବସ୍ତ୍ରାଦି ବ୍ୟବସାୟ ଅତ୍ୟନ୍ତ ଲାଭଜନକ ହେବ। କୃଷିକ୍ଷେତକୁ ଅମଳକ୍ଷମ କରାଇ ପାରନ୍ତି। ସେବାକାର୍ଯ୍ୟରେ ନିୟୋଜିତ ହୋଇ ଆତ୍ମସନ୍ତୋଷ ଲାଭ କରିବେ। ଶାସ୍ତ୍ର ବିଶାରଦ ହେବେ। ସାଧୁ କଲ୍ୟାଣ ମିଳିବ।

ସିଂହ : ପ୍ରାୟ ପ୍ରତ୍ୟେକ କ୍ଷେତ୍ରରେ ନିଜର ପୌରୁଷପଣିଅାର ସୂଚନା ଦେବେ। କର୍ମକ୍ଷେତ୍ରକୁ ଉଳମୟ କରି ଗଢ଼ିତୋଳିବେ। ଶୁଭକାର୍ଯ୍ୟ ସମ୍ପାଦିତ ହେବ। ଆର୍ଥିକ ସ୍ଥିତିରେ ସ୍ବଚ୍ଛଳତା ଓ ବିବାଦରେ ବିଜୟୀ ହେବେ।

କନ୍ୟା : ପତ୍ନୀଙ୍କ ସ୍ବାସ୍ଥ୍ୟ ପ୍ରତି ଯତ୍ନବାନ୍‌ ହେବେ। ସର୍ବଧର୍ମ ବିଶ୍ବାସୀ ହେବେ। କ୍ଷମତାର ସଦ୍‌ ବ୍ୟବହାର କରି ଲୋକପ୍ରିୟତା ଅର୍ଜନ କରିବେ। ପ୍ରତିଯୋଗିତାରେ କୃତିତ୍ବ ଅର୍ଜନ କରି ପୁରସ୍କୃତ ହେବେ। ସୁସ୍ଥ ଓ ନିରାମୟ ରହିବେ।

ତୁଳା : ଶତ୍ରୁତା ବୃଦ୍ଧି ହେବାର ସୂଚନା ମିଳୁଛି। କଳହଠାରୁ ଦୂରର ରହି ନିଜର ସମ୍ମାନ ରକ୍ଷା କରିପାରନ୍ତି। ଅସୁସ୍ଥତା ଅନୁଭବ କଲେ ବି ସେବା ମିଳିବ। ଅଷ୍ଟମ ଚନ୍ଦ୍ର ଯୋଗୁଁ ସତର୍କରେ ଚଳିବାକୁ ପଡ଼ିବ। ଦାମ୍ପତ୍ୟ ଜୀବନ ସୁଖପ୍ରଦ ହେବ।

ବିଛା : କଳା ନିପୁଣା ପତ୍ନୀ ଲାଭ କରିପାରନ୍ତି। ଧନ ଖର୍ଚ୍ଚ ପରିବର୍ତ୍ତେ ସଞ୍ଚୟ ଆଭିମୁଖ୍ୟ ହୋଇପାରନ୍ତି। ସେବା ମନୋଭାବର ହେବେ। ପଡ଼ୋଶୀଙ୍କର ପ୍ରିୟପାତ୍ର ଓ ଉପକାରୀ ହେବେ। ସମ୍ମାନିତ ହେବେ।
ଧନୁ : ଅଜାତ ଶତ୍ରୁ ହୋଇପାରନ୍ତି। ସମଭାବାପନ୍ନ ବ୍ୟକ୍ତିଙ୍କ ସହିତ ବନ୍ଧୁତା ସ୍ଥାପନ କରିବେ। ଋଣଦାତାଙ୍କୁ ସମ୍ମାନିତ କରିପାରନ୍ତି। ସତ୍ୟ ଚିନ୍ତା, ଦୟାଳୁ ଓ କ୍ଷମାର ଅବତାର ହୋଇପାରନ୍ତି। ଈଶ୍ବର ବିଶ୍ବାସୀ ହେବେ।

ମକର : ଅଧ୍ୟପନାର ପ୍ରସ୍ତୁତି ସ୍ବରୂପ ଅଧ୍ୟୟନରତ ହେବେ। ପତ୍ନୀଙ୍କ ସହଯୋଗ ପାଇ ଉଚ୍ଚାକାଂକ୍ଷୀ ହୋଇପାରନ୍ତି। ଅର୍ଥବଳରେ ଉନ୍ନୟନ କାର୍ଯ୍ୟର ଅଗ୍ରଗତି ଘଟିବ। ଦାମ୍ପତ୍ୟ ଜୀବନ ସୁଖପ୍ରଦ ହେବ।

କୁମ୍ଭ : ଭାଷା ପରମ କଲ୍ୟାଣୀୟ ହୋଇପାରେ। ସତ୍ୟବାଦୀ ଦୃଢ଼ବ୍ରତ ଆଚରଣ କରିପାରନ୍ତି। ଦୟାଳୁ ଓ ସମ୍ୟକ ତତ୍ତ୍ବଦର୍ଶୀ ହେବେ। ଗୁଣାତୀତ ହୋଇପାରନ୍ତି। ପୁଣ୍ୟବାନ୍‌ ଓ ସୁବିମଳ ହୋଇପାରନ୍ତି। ପରୋପକାରୀ ହୋଇପାରନ୍ତି।

ମୀନ : ସଙ୍ଗୀତପ୍ରିୟମାନଙ୍କ ସହିତ ମିତ୍ରତା ସ୍ଥାପନ କରିପାରନ୍ତି। ବିଭିନ୍ନ ଅର୍ଥର ଆଗମନ, ଭଣ୍ଡାର ପରିପୂର୍ଣ୍ଣତାରେ ସହାୟକ ହେବ। ଶୁଭକାର୍ଯ୍ୟ ନିର୍ବିଘ୍ନରେ ସମ୍ପାଦିତ ହେବ। ରାଜକୋଷ ଅର୍ଥରେ ଅଶାନ୍ତି ଦୂର ହେବ।

Comments are closed.