କଟକ : କଳିଙ୍ଗ ଷ୍ଟାଡ଼ିୟମ ଦେଶର ଶ୍ରେଷ୍ଠ ୫ ପ୍ରମୁଖ ହକି ଷ୍ଟାଡ଼ିୟମ ମଧ୍ୟରେ ସ୍ଥାନ ପାଇଛି। ଶ୍ରେଷ୍ଠ ୫ ହକି ଷ୍ଟାଡ଼ିୟମ ମଧ୍ୟରେ କଳିଙ୍ଗ ଷ୍ଟାଡ଼ିୟମ ସମେତ ମୋହାଲି ଅନ୍ତର୍ଜାତୀୟ ହକି ଷ୍ଟାଡ଼ିୟମ, ଚଣ୍ଡିଗଡ଼ ହକି ଷ୍ଟାଡ଼ିୟମ, ସର୍ଦ୍ଦାର ବଲ୍ଲବଭାଇ ଅନ୍ତର୍ଜାତୀୟ ହକି ଷ୍ଟାଡ଼ିୟମ, ମେଜର ଧ୍ୟାନଚାନ୍ଦ ଜାତୀୟ ହକି ଷ୍ଟାଡ଼ିୟମ ପ୍ରମୁଖ ରହିଛି। ୧୯୭୮ ମସିହାରେ ନିର୍ମାଣ ହୋଇଥିବା କଳିଙ୍ଗ ଷ୍ଟାଡ଼ିୟମର ହକି କେମ୍ପ୍ଲକ୍ସ ୨୦୧୩ରେ ନିର୍ମିତ ହୋଇଥିଲା। ଜର୍ମାନ ବ୍ଲୁ ଟର୍ଫ ବିଛାଯାଇଥିବା ଉକ୍ତ ହକି କେମ୍ପ୍ଲକ୍ସରେ ୨୦୧୪ରେ ଚମ୍ପିଆନ୍ସ ଟ୍ରଫି ହକି, ଭାରତ- ଜାପାନ ହକି ଟେଷ୍ଟ ସିରିଜ୍, ୨୦୧୬ରେ ହକି ଇଣ୍ଡିଆ ଲିଗ୍, ୨୦୧୭ରେ ଏଫ୍ଆଇଏଚ୍ ହକି ବିଶ୍ବଲିଗ୍ ଫାଇନାଲ୍ସ ଆଦି ଖେଳାଯାଇଥିଲା। ୨୦୧୮ରେ ଚତୁଃଦଶତମ ପୁରୁଷ ହକି ବିଶ୍ବକପ ଲାଗି ଷ୍ଟାଡ଼ିୟମ ନବୀକରଣ କରାଯାଇଥିଲା। ପୁରୁଣା ଜର୍ମାନ ଟର୍ଫକୁ ହଟାଯାଇ ନୂତନ ଟର୍ଫ ବିଛାଯିବା ସହିତ ଗ୍ୟାଲେରୀ ସଂପ୍ରସାରଣ ଓ ସ୍ବତନ୍ତ୍ର ଅଭ୍ୟାସ ଗ୍ରାଉଣ୍ଡ ମଧ୍ୟ ନିର୍ମାଣ କରାଯାଇଥିଲା। ଦର୍ଶକ କ୍ଷମତା ୧୫ ହଜାରକୁ ବୃଦ୍ଧି କରାଯାଇଥିଲା। ୨୦୧୮ ହକି ବିଶ୍ବକପ, ୨୦୧୯ ଏଫଆଇଏଚ୍ ହକି ସିରିଜ୍ ଫାଇନାଲ୍ସ, ଏଫ୍ଆଇଏଚ୍ ଅଲିମ୍ପିକ୍ସ ଯୋଗ୍ୟତା ପର୍ୟ୍ୟାୟ ହକି, ୨୦୨୦ ଏଫଆଇଏଚ୍ ପ୍ରୋ-ଲିଗ୍ ହକି ଆଦି ପ୍ରତିଯୋଗିତା ଖେଳାଯାଇଛି।
Comments are closed.