ସହାୟତାର ହାତ ବଢାଇଲା ବିଙ୍ଗ ହ୍ୟୁମାନ ଫାଉଣ୍ଡେସନ, କଟକ ସ୍ଥାନାନ୍ତର ହେଲେ ଦୁଇ ଗୁରୁତର ରୋଗୀ

ବଲାଙ୍ଗିର: ବଲାଙ୍ଗିର ଜିଲା ଦେଓଗାଁ ବ୍ଲକ ଭାଲୁକୁନ୍ଦ ଗାଁର କର୍କଟ ରୋଗୀ ସୁମନ୍ତ ସାହୁଙ୍କୁ ସହାୟତାର ହାତ ବଢାଇଲା ବିଙ୍ଗ ହ୍ୟୁମାନ ଫାଉଣ୍ଡେସନ। ହାତରେ କର୍କଟ ରୋଗ ଯୋଗୁ ହାତର ମାଂସ ଝଡିବାକୁ ଲାଗିଥିଲା କିନ୍ତୁ ଅର୍ଥାଭାବ ଯୋଗୁ ଚିକିତ୍ସା କରିପାରୁ ନଥିଲେ ସୁମନ୍ତ। ସେହିପରି ଆଗଲପୁର ବ୍ଲକ ଡୁଙ୍ଗୁରିପାଲି ଗାଁର ରବୀନ୍ଦ୍ର ସେଠଙ୍କ ମଧ୍ୟ ଖାଦ୍ୟନଳୀ ବଙ୍କା ହୋଇଯାଇ ଥିବାରୁ ସେ ଅସହାୟ ଅବସ୍ଥାରେ ପଡି ରହିଥିଲେ। ଉଭୟଙ୍କ ଚିକିତ୍ସା ପାଇଁ ସ୍ୱାସ୍ଥ୍ୟ ବିଭାଗର ସହାୟତାରେ କଟକ ପଠାଯାଇଥିବା ଜଣାପଡିଛି।

ବଲାଙ୍ଗିର ଜିଲା ଦେଓଗାଁ ବ୍ଲକର ଭାଲୁକୁନ୍ଦ ଗାଁର ସୁମନ୍ତ ସାହୁ କର୍କଟ ରୋଗରେ ଆକ୍ରାନ୍ତ ହୋଇଥିଲେ। ଅର୍ଥାଭାବ ଯୋଗୁ ସେ ଚିକିସରା କରାଇ ପାରୁନଥିବା ବେଳେ ଖବର ପାଇ ବିଙ୍ଗ ହ୍ୟୁମାନ ଫାଉଣ୍ଡେସନ ତରଫରୁ ତାଙ୍କୁ ବଲାଙ୍ଗିର ଭୀମଭୋଇ ମେଡିକାଲ କଲେଜ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ସେହିପରି ଆଗଲପୁର ଡୁଙ୍ଗୁରିପାଲି ଗାଁର ରବୀନ୍ଦ୍ର ସେଠଙ୍କ ଖାଦ୍ୟନଳୀ ବଙ୍ଗା ହୋଇଯାଇଥିଲା ଫଳରେ ସେ ମଧ୍ୟ ଯନ୍ତ୍ରଣାରେ ଛଟପଟ ହେଉଥିଲେ କିନ୍ତୁ ଚିକିତ୍ସା ପାଇଁ ଟଙ୍କା ନଥିବାରୁ ଘରେ ପଡିରହିଥିଲେ। ତାଙ୍କୁ ମଧ୍ୟ ବିଙ୍ଗ ହ୍ୟୁମାନ ଫାଉଣ୍ଡେସନର କର୍ମକର୍ତ୍ତା ମାନେ ଭୀମଭୋଇ ମେଡିକାଲ କଲେଜ ଡାକ୍ତରଖାନାରେ ଭର୍ତ୍ତି କରାଇଥିଲେ। ଉଭୟଙ୍କ ଚିକିତ୍ସା ଚାଲିଥିବା ବେଳେ ଅବସ୍ଥା ଗୁରୁତର ଥିବାରୁ ଅଧିକ ଚିକିତ୍ସା ପାଇଁ ମୁଖ୍ୟମନ୍ତ୍ରୀଙ୍କୁ ଟ୍ୱିଟ ଯୋଗେ ଜଣାଯାଇଥିଲା। ପରେ ସ୍ୱାସ୍ଥ୍ୟମନ୍ତ୍ରୀଙ୍କ ହସ୍ତକ୍ଷେପ ପରେ ଉଭୟଙ୍କୁ ଚିକିତ୍ସା ପାଇଁ ସ୍ୱତନ୍ତ୍ର ଆମ୍ବୁଲାନ୍ସ ଯୋଗେ କଟକ ସ୍ଥାନାନ୍ତର କରାଯାଇଥିବା ଫାଉଣ୍ଡେସନର ଉପଦେଷ୍ଟା ଟୁନା ମିଶ୍ର ସୂଚନା ଦେଇଛନ୍ତି। ସେହିପରି ଉଭୟଙ୍କ ଚିକିତ୍ସା ପାଇଁ ବିଙ୍ଗ ହ୍ୟୁମାନ ଫାଉଣ୍ଡେସନ ତରଫରୁ ଆର୍ଥିକ ସହାୟତା ପ୍ରଦାନ କରାଯାଇଥିବା ପ୍ରତିଷ୍ଠାତା ସୋମନାଥ ମିଶ୍ର କହିଛନ୍ତି।

Comments
Loading...