ମୁମ୍ବଇ: କୋଭିଡ ମହାମାରୀ ସମୟରେ ସବୁକିଛି ଡିଜିଟାଲ ଜରିଆରେ କରାଯାଉଥିବାବେଳେ ଗୁଗଲ ପେ’ ଜରିଆରେ ଏଣିକି ଜନସାଧାରଣଙ୍କୁ ସ୍ୱାସ୍ଥ୍ୟବୀମା ସୁବିଧା ମିଳିବ । ଭାରତର ଅନ୍ୟତମ ପ୍ରମୁଖ ଜେନେରାଲ ଇନସ୍ୟୁରାନ୍ସ କମ୍ପାନୀ ଏସବିଆଇ ଜେନେରାଲ ଗୁଗୁଲ ପେ’ ସହିତ ମିଳିତ ହୋଇ ସ୍ୱାସ୍ଥ୍ୟ ବୀମା ଉପଲବ୍ଧ କରାଇବା ସମ୍ପର୍କରେ ଘୋଷଣା କରିଛି । ଡିଜିଟାଲ ଚ୍ୟାନେଲ ଦ୍ୱାରା ସାଧାରଣ ବୀମା ସମାଧାନ ସୁବିଧା ସମ୍ପ୍ରସାରଣ କରିବା ଲାଗି ଏସବିଆଇ ଜେନେରାଲ ପକ୍ଷରୁ ପ୍ରୟାସ ଜାରି ରହିଛି । ଜନସାଧାରଣ ଏସବିଆଇ ଜେନେରାଲର ସ୍ୱାସ୍ଥ୍ୟ ବୀମା ଆରୋଗ୍ୟ ସଞ୍ଜୀବନୀ କିଣିବାର ସୁଯୋଗ ଗୁଗୁଲ ପେ ସ୍ପଟରୁ ପାଇପାରିବେ । ଏ ସମ୍ପର୍କରେ ଏସବିଆଇ ଜେନେରାଲ ଇନସ୍ୟୁରାନ୍ସର ଏମ୍ଡି ତଥା ସିଇଓ ପ୍ରକାଶ ଚନ୍ଦ୍ର କାନ୍ଦପାଲ କହିଛନ୍ତି, ସାମ୍ପ୍ରତିକ ଗ୍ରାହକମାନେ ସେମାନଙ୍କ ଆବଶ୍ୟକତା ବିଷୟରେ ଭଲ ଭାବରେ ଅବଗତ ଅଛନ୍ତି । ମହାମାରୀ ଯୋଗୁ ବିଭିନ୍ନ ଆବଶ୍ୟକତା ପାଇଁ ଡିଜିଟାଲ ପ୍ଲାଟଫର୍ମର ବ୍ୟବହାର ବିଶେଷ ବୃଦ୍ଧି ପାଇ ପାରିଛି । ଏହା ସହିତ ଗ୍ରାହକମାନେ ଆର୍ଥିକ ସମାଧାନ ପ୍ରତି ଆକର୍ଷିତ ହୋଇପାରିଛନ୍ତି । ସ୍ୱାସ୍ଥ୍ୟ ବୀମା ପାଇଁ ଏହି ମିଳିତ ସହଯୋଗ ବେଶ ଉପଯୋଗୀ ସାବ୍ୟସ୍ତ ହେବ ।
Comments are closed.