ମନୁଷ୍ୟ ଭିତରେ ରାଗ, କ୍ରୋଧ, ଖୁସି, ଦୁଃଖ ଆଦି ଗୁଣମାନ ରହିଛି। ଗୁରୁଜନମାନେ ମତ ଦିଅନ୍ତି ଯେ ରାଗ, କ୍ରୋଧଠାରୁ ଦୂରେଇ ରହିବା ହିଁ ସଫଳତାର ମୁଖ୍ୟ ସୂତ୍ର। ପିଟସବର୍ଗ ବିଶ୍ବବିଦ୍ୟାଳୟର ଗବେଷକଙ୍କ ଅନୁଧ୍ୟାନରୁ ଜଣାପଡ଼ିଛି ନିଜ ମନ ଭିତରେ ରାଗ ରଖିବା ମଧ୍ୟ ଖୁବ୍ ଭୟଙ୍କର ପରିସ୍ଥିତି ହୋଇପାରେ।
– କର୍ମଜୀବୀ ମହିଳାଙ୍କୁ ପ୍ରାରମ୍ଭିକ ପର୍ଯ୍ୟାୟରେ ଗବେଷଣାରେ ସାମିଲ କରାଯାଇଥିଲା। ଘର-ବାହାର କାମରେ ଏମାନେ ଅତିଷ୍ଠ ହୋଇଯାଉଥିବାବେଳେ ମନର କ୍ରୋଧକୁ ମଧ୍ୟ ପରିପ୍ରକାଶ କରିପାରିନାହାନ୍ତି। ଏମାନଙ୍କ ମଧ୍ୟରୁ ୨% ମହିଳାଙ୍କ ମସ୍ତିଷ୍କାଘାତ ହେଉଥିବାବେଳେ ଅନ୍ୟମାନେ ଖୁବ୍ ମାନସିକ ଚାପରେ ରହିଥାନ୍ତି।
– ଆମେରିକାରେ ମସ୍ତିଷ୍କାଘାତ ମୃତ୍ୟୁ ସଂଖ୍ୟା ଦିନକୁଦିନ ବଢ଼ିବାରେ ଲାଗିଛି। ପ୍ରତି ବର୍ଷ ସେଠାରେ ୧ଲକ୍ଷ ୪୦ହଜାର ଲୋକ ଏଇ ରୋଗରେ ପ୍ରାଣ ହରାଇଥାନ୍ତି।
– ଛୋଟଛୋଟ କଥାରେ କ୍ରୋଧ କରୁଥିବା ବ୍ୟକ୍ତିଙ୍କ ଠାରେ ଉଚ୍ଚରକ୍ତଚାପ ସମସ୍ୟା ମଧ୍ୟ ଦେଖାଦିଏ। ଏହି ସମସ୍ୟାର ସମାଧାନ ହେଉଛି ନିଜ ମନପସନ୍ଦର କାମ କରନ୍ତୁ।
– ଗୀତ ଶୁଣିବା, ପର୍ଯ୍ୟାପ୍ତ ମାତ୍ରାରେ ଶୋଇବା, ହାସ୍ୟରସାତ୍ମକ କାର୍ଯ୍ୟକ୍ରମ ଦେଖିବା ସହ କିଛି ସମୟ ଯୋଗ କଲେ ଲାଭ ମିଳୁଥିବାର ବିଶେଷଜ୍ଞଙ୍କ ମତ।
Comments are closed.