ହରଭଙ୍ଗା: ବୌଦ୍ଧଜିଲ୍ଲା ହରଭଙ୍ଗା ବ୍ଲକ ପୁରୁଣାକଟକ ଥାନା ଖୋର୍ଦ୍ଧା-ବଲାଙ୍ଗୀର ୫୭ନଂ ଜାତୀୟ ରାଜପଥର ଚାରିଛକ ଶୌଚାଳୟ ନିକଟରେ ମଙ୍ଗଳବାର ରାତିରେ ଏକ ଯାତ୍ରୀବାହୀ ଅଟୋ ସହ ହାଇଓ୍ବା ମୁହାଁମୁହିଁ ଧକ୍କାରେ ୭ଜଣ ଗୁରତର ଆହାତ ହୋଇଥିବା ଜଣାପଡ଼ିଛି।
ଗୁରୁତର ଆହାତମାନେ ହେଲେ ଆଡେଣିଗଡ ପଞ୍ଚାୟତ ରାଣିଗଞ ଗ୍ରାମର ନାଭିଦିତ୍ୟ ବେହେରା(୪୫) ତାଙ୍କ ଦୁଇ ପୁଅ ଆକାଶ ବେହେରା(୨୦) , ବିକାଶ ବେହେରା(୨୨)ଅଟୋ ଡ୍ରାଇଭର ଚୈତନ୍ୟ ବେହେରା(୨୪),ଧବଳ ବେହେରା(୨୦),ଶ୍ରୀରାମ ବେହେରା(୨୧) ଏବଂ ପପୁ ବେହେରା(୧୮) ବୋଲି ସୂଚନା ମିଳିଛି।
ଘଟଣାରୁ ଜଣାଯାଏ ଯେ, ଆଜି ରାତି ପ୍ରାୟ ୮ଟାରେ ରାଣିଗଞ୍ଜ ପଟୁ ଏକ ଅଟୋ ନଂ( ଓଡି୨୭-୧୬୩୭)ଯୋଗେ ଡ୍ରାଇଭର ସହିତ ଅନ୍ୟ ଛଅଜଣ ପୁରୁଣାକଟକ ଯାଉଥିଲେ। ବୀପରିତ ଦିଗ ପୁରୁଣାକଟକ ପଟୁ ଚାରିଛକ ଆଡକୁ ଆସୁଥିବା ହାଇଓ୍ବା ଗାଡିନଂ (ପିବି-୦୪ଏବି-୯୯୯୭) ସହିତ ଚାରିଛକ ଶୌଚାଳୟ ନିକଟରେ ମୁହାଁମୁହିଁ ଧକ୍କା ହୋଇଥିଲା। ଫଳରେ ଅଟୋ ଡ୍ରାଇଭର ଚେତନ୍ୟଙ୍କ ସମେତ ନାଭିଦିତ୍ୟ ବେହେରା ଏବଂ ତାଙ୍କ ଦୁଇ ପୁଅ ଆକାଶ ଏବଂ ବିକାଶ ୪ ଜଣ ଗୁରୁତର ଆହାତ ହୋଇଥିଲେ। ଧବଳ ବେହେରା, ଶ୍ରୀରାମ ବେହେରା, ପପୁ ବେହେରା ଭଳି ଅନ୍ୟ ୩ଜଣ ସାମାନ୍ୟ ଆହାତ ହୋଇଥିବା ଜଣାପଡ଼ିଛି। ଖବରପାଇ ହରଭଙ୍ଗା ଅଗ୍ନିଶମ ବାହିନୀ ସମସ୍ତ ଗୁରୁତରଙ୍କୁ ଉଦ୍ଧାର କରି ଚିକିତ୍ସା ପାଇଁ ପୁରୁଣାକଟକ ମେଡିକାଲରେ ଭର୍ତ୍ତି କରିଥିବା ଜଣାପଡ଼ିଛି। ପୁରୁଣାକଟକ ପୁଲିସ ଘଟଣାର ଛାନଭିନ ଚଳାଇଛି।
Comments are closed.