ବଡ଼ସାହି : ମାଧପୁର ପଞ୍ଚାୟତ ଆରପଟ୍ଟା ଗ୍ରାମର ସ୍ୱର୍ଗତ ପରେଶ ଚନ୍ଦ୍ର ପାତ୍ରଙ୍କ ପତ୍ନୀ କଂସମଣୀ(୭୦)ଙ୍କ ଝୁଲନ୍ତା ମୃତଦେହକୁ ବଡ଼ସାହି ପୁଲିସ ଉଦ୍ଧାର କରିଛି। ମୃତା କଂସମଣୀ ସବୁଦିନ ଭଳି ଗତରାତିରେ ଖାଇପିଇ ଶୋଇଥିଲେ। ତେବେ ସକାଳେ ଘର ଭିତରେ ତାଙ୍କର ଝୁଲନ୍ତା ମୃତଦେହ ଦେଖି ପରିବାର ଲୋକ ପୁଲିସକୁ ଖବର ଦେଇଥିଲେ। ବେକରେ ଦଉଡ଼ି ଦେଇ ସେ ଆତ୍ମହତ୍ୟା କରିଥିବା ପ୍ରାଥମିକ ତଦନ୍ତରୁ ଜଣାପଡୁଥିଲେ ହେଁ ପାରିପାର୍ଶ୍ବିକ ସ୍ଥିତି ସନ୍ଦେହଜନକ ରହିଛି। ପୁଲିସ ଏକ ଅପମୃତ୍ୟୁ ମାମଲା ରୁଜୁ ପୂର୍ବକ ଶବବ୍ୟବଚ୍ଛେଦ ପରେ ପରିବାର ଲୋକଙ୍କୁ ମୃତଦେହ ହସ୍ତାନ୍ତର କରିଛି। ରିପୋର୍ଟ ଆସିବା ପରେ ମୃତ୍ୟୁର କାରଣ ଜଣାପଡ଼ିବ ବୋଲି ଏସଆଇ ସନ୍ତୋଷ କୁମାର ବିଶୋୟୀ କହିଛନ୍ତି।
Comments