ଡେସ୍କ: ଗୁଜୁରାଟ ମୁଖ୍ୟମନ୍ତ୍ରୀ ଭୁପେନ୍ଦ୍ର ପଟେଲ ଶୁକ୍ରବାର ଦିନ ଅହମ୍ମଦାବାଦ ମହାନଗରର ୧୪୫ ତମ ଜଗନ୍ନାଥ ରଥଯାତ୍ରା ଏବଂ ସହରର ଅନ୍ୟ ସ୍ଥାନଗୁଡିକରେ ହେଉଥିବା ରଥଯାତ୍ରା ସିଏମ ଡ୍ୟାସବୋର୍ଡ ମାଧ୍ୟମରେ ଅନୁଧ୍ୟାନ କରିଥିଲେ। ଶ୍ରୀ ପଟେଲ ଆଜି ସକାଳେ ଅହମ୍ମଦାବାଦର ଜଗନ୍ନାଥ ମନ୍ଦିରରେ ପହଣ୍ଡି ନୀତି କରିଥିଲେ।
ମୁଖ୍ୟମନ୍ତ୍ରୀ ନିଜ ବାସଭବନରେ ପହଞ୍ଚିବା ପରେ ସେ ସିଏମ ଡ୍ୟାସବୋର୍ଡରେ ପହଞ୍ଚି ରଥଯାତ୍ରାର ରିଅଲ ଟାଇମ ମନିଟରିଂ କରିଥିଲେ। ମୁଖ୍ୟମନ୍ତ୍ରୀ ଭୁପେନ୍ଦ୍ର ପଟେଲ ପ୍ରଭୁ ଜଗନ୍ନାଥ, ଭାଇ ବଲଭଦ୍ର ଏବଂ ଭଉଣୀ ସୁଭଦ୍ରାଙ୍କ ରଥ, ଭକ୍ତ ସମାଗମ ଏବଂ ପାଟ୍ରୋଲିଂ କରୁଥିବା ପୁଲିସ୍ ତଥା ସୁରକ୍ଷା କାର୍ଯ୍ୟକଳାପ ଉପରେ ନଜର ରଖିଥିଲେ।
ଚଳିତ ବର୍ଷର ରଥଯାତ୍ରାରେ ପ୍ରଥମ ଥର ପାଇଁ ମୁଖ୍ୟମନ୍ତ୍ରୀ ମଧ୍ୟ ଡ୍ରୋନ୍ ଜ୍ଞାନ କୌଶଳ ବ୍ୟବହାର କରି ୬୫ ମିଟର ଉଚ୍ଚତାରୁ ଯାତ୍ରୀଙ୍କ ଉପରେ ନଜର ରଖିବା ନେଇ ରାଜ୍ୟ ଗୃହ ବିଭାଗର ସଫଳ ପରୀକ୍ଷଣ ଦେଖିଛନ୍ତି। ହେଲିକପ୍ଟର ଏବଂ ଡ୍ରୋନ୍ ଦ୍ୱାରା ରଥଯାତ୍ରାକୁ ଦିଆଯାଇଥିବା ସୁରକ୍ଷାକୁ ସେ ପ୍ରଶଂସା କରିଥିଲେ। ସମ୍ବେଦନଶୀଳ ସ୍ଥାନରେ ନିୟୋଜିତ ଗୁଜୁରାଟ ପୁଲିସ କର୍ମଚାରୀଙ୍କ କାର୍ଯ୍ୟକଳାପ ତଥା ଅହମ୍ମଦାବାଦର ଏହି ରଥଯାତ୍ରାରେ ମଧ୍ୟ ପ୍ରଥମ ଥର ପାଇଁ ପ୍ରାୟ ଦେହରେ ପିନ୍ଧିଥିବା ୨୫୦୦ କ୍ୟାମେରାରୁ ମିଳୁଥିବା ଚିତ୍ରକୁ ମଧ୍ୟ ମୁଖ୍ୟମନ୍ତ୍ରୀ ଦେଖିଥିଲେ।
Comments are closed.