MEllora 950×100

୪୩ହଜାର କାନଫୁଲ ରଖି ଗିନିଜ୍ ରେକର୍ଡ

ସଉକ୍ ହିଁ ବେଳେବେଳେ ଆମକୁ ବେଳେବେଳେ ଲୋକପ୍ରିୟ କରାଇଦିଏ, କାନଫୁଲ କିଣିବାର ଏଇ ସଉକ୍ ଯେ କାରୋଲ୍‌ଙ୍କୁ ଗିନିଜ୍ ବୁକ୍ ରେକର୍ଡରେ ସାମିଲ କରାଇବ, ସେ ସ୍ବପ୍ନ​‌େ​ର ସୁଦ୍ଧା କଳ୍ପନା କରିନଥିଲେ। ଆମେରିକାର ପେନ୍‌ସିଲଭାନିଆ ନିବାସୀ ହେଲେ କାରୋଲ୍ ମ୍ୟାକ୍‌-ଫେଡେନ୍‌, ୨୦୧୮ରେ ୮୦ ବର୍ଷ ବୟସରେ ସେ ପ୍ରାଣ ହରାଇଲେ। ହେଲେ ବର୍ତ୍ତମାନ ପର୍ଯ୍ୟନ୍ତ ତାଙ୍କ ରେକର୍ଡକୁ କେହି ଭାଙ୍ଗିପାରିନାହାନ୍ତି, ଗିନିଜ୍ ବୁକ୍ ଅଫ୍ ୱାର୍ଲଡ ରେକଡର୍ସରେ ତାଙ୍କୁ ‘ଇୟରରିଙ୍ଗ୍ ଲେଡି’ର ନାମ ଦିଆଯାଇଥିଲା। ମାତ୍ର ୧୨ ବର୍ଷ ବୟସରୁ କାରୋଲ୍‌ ଏଇ କାନଫୁଲ ସଂଗ୍ରହ ପ୍ରେମରେ ବାନ୍ଧିହୋଇଥିଲେ, ତାଙ୍କ ବଡ଼ ଭଉଣୀ ୩ଟି ସୁନ୍ଦର କାନଫୁଲ ଉପହାର ଭାବେ ଦେବା ପରେ କାରୋଲ୍‌ଙ୍କ ଆଗ୍ରହ ବଢ଼ିଥିଲା। ପାଖଆଖ ସହରର ଦୋକାନରୁ ବିଭିନ୍ନ ଡିଜାଇନର କାନଫୁଲ କିଣିବା ସହ ତାଙ୍କ ଏଇ ସଉକ୍ ଦେଖି ବନ୍ଧୁବାନ୍ଧବ ମଧ୍ୟ ଯେଉଁଅଡ଼େ ଯାଉଥିଲେ, କାରୋଲ୍‌ଙ୍କ ପାଇଁ କାନଫୁଲ ୩-୪ହଳ ଆଣିବା ଥୟ। ୧୯୯୪ରେ ପ୍ରଥମଥର ଗିନିଜ୍ ବୁକ୍ ଅଫ୍ ରେକର୍ଡସ୍‌ରେ କାରୋଲ୍ ସ୍ଥାନ ପାଇବା ସହ ସେସମୟରେ ତାଙ୍କ ପାଖେ ମୋଟ୍ ୩୨ହଜାର କାନଫୁଲ ଥିଲା। ୨୦୦୭ରେ ପୁନର୍ବାର ସେ ନିଜ ରେକର୍ଡକୁ ଭାଙ୍ଗିବା ସହ ୪୩ହଜାର କାନଫୁଲ ମୋଟ୍ ତାଙ୍କ ପାଖେ ଥିଲା। ଆର୍ଥିକ ଅସୁବିଧା ହେବାରୁ କାରୋଲ୍ ତାଙ୍କର କେତେହଳ କାନଫୁଲର ନିଲାମ ମଧ୍ୟ କରିଥିଲେ, ଏକ ସାକ୍ଷାତକାର୍‌ରେ ସେ କହିଥିଲେ ଏଇ କାନଫୁଲଗୁଡ଼ିକ ହିଁ ତାଙ୍କର ସବୁଠୁ ବଡ଼ ସମ୍ପତ୍ତି। ସେସବୁଗୁଡ଼ିକ ତାଙ୍କର ପ୍ରିୟ, ଶସ୍ତା ଠାରୁ ଦାମୀ ବିଭିନ୍ନ ଡିଜାଇନର କାନଫୁଲ କାରୋଲ୍‌ଙ୍କ ପାଖରେ ଥିଲା। କରୋଲ୍‌ଙ୍କୁ ୧୯ ବର୍ଷ ହେବାବେଳକୁ ସେ ଏଇ କାନଫୁଲ କିଣାରେ ଅଧିକ ଟଙ୍କା ଖର୍ଚ୍ଚ କରୁଥିବା ଦେଖି ମା ଓ ଆଈ ଖୁବ୍ ବିରକ୍ତ ହେଉଥିଲେ, ହେଲେ କାରୋଲ୍ ନିଜର ଏଇ ଭଲପାଇବାରେ କାହାର ହସ୍ତକ୍ଷେପକୁ ପସନ୍ଦ କରିନଥିଲେ। ଶେଷରେ ଏଇ କାନଫୁଲର ସଂଗ୍ରହ ହିଁ ତାଙ୍କୁ ବିଶ୍ବସ୍ତରରେ ‘ଇୟରରିଙ୍ଗ୍ ଲେଡି’ର ପରିଚୟ ଦେଇଥିଲା।

Comments are closed.