MEllora 950×100

ବସ୍‍ ଚଳାଚଳ ପାଇଁ ଜାରି ହେବ ଗାଇଡ୍‍ ଲାଇନ୍‍ : ପରିବହନ ମନ୍ତ୍ରୀ

ଭୁବନେଶ୍ୱର : ପରିବହନ ମନ୍ତ୍ରୀ ପଦ୍ମନାଭ ବେହେରା କହିଛନ୍ତି,ରାଜ୍ୟରେ ବସ୍‍ ଚଳାଚଳ ପାଇଁ ଗାଇଡ୍‍ ଲାଇନ୍‍ ଜାରି  କରାଯିବ। ସେ କହିଛନ୍ତି ଯେ ବସ୍‍ ଚଳାଚଳ ନେଇ ପରିବହନ ବିଭାଗ ପକ୍ଷରୁ ଆରଟିଓ ଓ ବସ୍‍ ସଂଘ ଗୁଡ଼ିକୁ ଗାଇଡ୍‍ ଲାଇନ୍‍ ଦିଆଯିବ ବସରେ ଥିବା ସିଟ୍‍ କ୍ଷମତା ଅନୁସାରେ ଯାତ୍ରୀମାନେ ଯାଇପାରିବେ। ବସରେ ମାସ୍କ ପିନ୍ଧିବାକୁ ବାଧ୍ୟତାମୂଳକ କରାଯିବ।
ଜୁଲାଇ ମାସର କରୋନା ଗାଇଡ୍‍ ଲାଇନରେ ୨୦ ଟି ଜିଲ୍ଲାରେ ବସ୍‍ ଚଳାଚଳ ପାଇଁ ଅନୁମତି ମିଳିଛି। ଯେଉଁ ଜିଲ୍ଲା ଗୁଡ଼ିକରେ ବସ୍‍ ଚଳାଚଳ ପାଇଁ ଅନୁମତି ଦିଆଯାଇଛି, ସେହି ଜିଲ୍ଲା ଗୁଡ଼ିକ ମଧ୍ୟରେ ହିଁ କେବଳ ବସ୍‍ ଚଳାଚଳ କରିପାରିବ ବୋଲି  ପରିବହନ ମନ୍ତ୍ରୀ କହିଛନ୍ତି ।
କରୋନା ସ୍ଥିତିକୁ ଦେଖି ରାଜ୍ୟରେ ଜୁଲାଇ ୧୬ ସକାଳ ୫ଟା ପର୍ଯ୍ୟନ୍ତ ଆଂଶିକ ଲକ୍‍ଡାଉନ୍‍ ଘୋଷଣା କରାଯାଇଥିବା ବେଳେ ୨୦ଟି ଜିଲ୍ଲାରେ ବସ୍‍ ଚଳାଚଳକୁ ଅନୁମତି ଦିଆଯାଇଛି। ମାଲକାନଗିରି, କୋରାପୁଟ, ରାୟଗଡ଼ା, ନବରଙ୍ଗପୁର, ଗଜପତି, ଗଂଜାମ, କନ୍ଧମାଳ, କଳାହାଣ୍ଡି, ନୂଆପଡ଼ା, ବଲାଙ୍ଗିର, ବୌଦ୍ଧ, ସୁବର୍ଣ୍ଣପୁର, ବରଗଡ଼, ସମ୍ବଲପୁର, ଝାରସୁଗୁଡ଼ା, ସୁନ୍ଦରଗଡ଼, କେନ୍ଦୁଝର, ଦେବଗଡ଼, ଅନୁଗୋଳ ଓ ଢେଙ୍କାନାଳ ଜିଲ୍ଲାକୁ ‘ଏ’ କ୍ୟାଟେଗୋରୀରେ ରଖାଯାଇଛି। ଏହି ସବୁ ସ୍ଥାନରେ ସକାଳ ୬ରୁ ସନ୍ଧ୍ୟା ୬ଟା ପର୍ଯ୍ୟନ୍ତ ଦୋକାନବଜାର ଖୋଲିବାକୁ ଅନୁମତି ଦିଆଯିବା ସହିତ ବସ୍‍ ଓ ଟ୍ୟାକ୍ସି ଚଳାଚଳକୁ ଅନୁମତି ଦିଆଯାଇଛି। ଅନ୍ୟପକ୍ଷରେ ବି କ୍ୟାଟେଗୋରୀରେ ଥିବା ୧୦ ଟି ଜିଲ୍ଲାରେ ବସ୍‍ ଚଳାଚଳକୁ ଅନୁମତି ମିଳିନାହିଁ।

Comments are closed.