ସରକାରୀ ସହାୟତା ଅପେକ୍ଷାକୁ ଅନାଇ ବସିଛି ଆବାସ

ଚକାପାଦ : ସରାକରୀ ସହାୟତା ଅପେକ୍ଷାକୁ ଅନାଇ ବସିଛି ଆବାସ। କନ୍ଧମାଳ ଜିଲା ଚକାପାଦ ବ୍ଳକ ଅନ୍ତର୍ଗତ ବପଲମେଣ୍ଡି(ଏଲ୍) ଗ୍ରାମ ପଂଚାୟତ ଅନ୍ତର୍ଗତ ପାନାବାଡ଼ି ଗ୍ରାମର ଆବାସ ନାୟକ ଦୀର୍ଘ ୬ବର୍ଷ ତଳେ ରାସ୍ତାର ଯିବା ବେଳେ ହଠାତ୍ ଏକ ଗଛ ତାହାରି ଉପରେ ପଡ଼ିଯାଇତିଲା। ଫଳରେ ଆବାସରେ ଗୋଡ଼ ଭାଙ୍ଗିଯାଇଥିଲା। ସେହିସମୟରେ ଗୁୁରୁତ୍ୱର ଅବସ୍ଥାରେ ଫୁଲବାଣୀ ମୁଖ୍ୟ ଚିକିତ୍ସାଳୟକୁ ନେଇ ଚିକିତ୍ସା କରିଥିଲେ ପରବାର ଲୋକେ। କିନ୍ତୁ କାଳକ୍ରମେ ଭାଙ୍ଗିଯାଇଥିବା ଅଂଶ ଭଲ ହୋଇ ପାରିନଥିଲା। ବର୍ତ୍ତମାନ ତାହା ଦିନକୁ ଦିନ ଗୁରୁତ୍ୱର ହେବା ସହିତ ଦିନକୁ ଦିନ ବିପଦ ଆଡ଼କୁ ଗତି କରିଛି। ପରିବାର ପକ୍ଷରୁ ଅଧିକ ଚିକିତ୍ସା କରିବା ସମ୍ଭବ ହେଉନାହିଁ। ତଥାପି ଯଥା ସମ୍ଭବ ପରିବାର ପକ୍ଷରୁ ବିଭିନ୍ନ ବଡ଼ ବଡ଼ ଡ଼ାକ୍ତରଖାନାକୁ ନେଇ ଚିକିତ୍ସା କରିଥିଲେ। ସବୁ ଆଡ଼େ ଅଧିକ ଚିକିତ୍ସାର ଆବଶ୍ୟକ ଓ ଏଥି ପାଇଁ ବହୁ ଟଙ୍କାର ଆବଶ୍ୟକ ବୋଲି ପରାମର୍ଶ ଦେଇଥିଲେ। ସରକାରୀ ସହାୟତ ପାଇଁ ଗତ ଦିନରେ ପରବାର ପକ୍ଷରୁ ଜିଲା ପ୍ରଶାସନର ଦ୍ୱାରସ୍ଥ ହୋଇଥିବା ବେଳେ ଜିଲା ପ୍ରଶାସନ ପକ୍ଷରୁ ମଧ୍ୟ ୧୦ ହଜାର ଟଙ୍କାର ଆର୍ଥିକ ସହାୟତା ପ୍ରଦାନ କରିଥିଲେ ମଧ୍ୟ ତାହା ଯଥେଷ୍ଟ ହୋଇନଥିଲା । ଦିନକୁ ଦିନ ଏହା ଅଧିକ ଗୁରୁତ୍ୱର ହେବା ସହିତ ଗୋଡନକାଡ଼ିଲେ ପରିବତ୍ତି; ସମୟରେ ଏହା କ୍ୟାନସର ହେବା ସମ୍ଭାବନା ଥିବାର ନେଇ ତାଙ୍କ ଚିକତ୍ସା ସମୟରେ ପରାମର୍ଶ ଦିଆଯିବା ଫଳରେ କୋଭିଡ଼୍ କଟକଣା ସମୟରେ ପରିବାର ବାରମ୍ବାର ମୁଖ୍ୟ ଚିକିତ୍ସାଳୟକୁ ଆସିଥିଲେ ମଧ୍ୟ ତାହା ଆଜି ପର୍ଯ୍ୟନ୍ତ ସମ୍ଭବ ହୋଇ ନାହିଁ। ଏଭଳି ସ୍ଥଳେ ତୁରନ୍ତ ଆବାସର ସରକାରୀ ସ୍ତରରେ ଚିକିତ୍ସା କରାଇବାରେ ସହଯୋଗ ପାଇଁ ସରପଂଚ ଶାରଦା କହଁର , ଜିଲା ପରିଷଦ ସଭ୍ୟ ରଂଜନ କୁମାର ମଲିକ ଓ ବାପା ବିଶ୍ୱାମିତ୍ର ନାୟକ ଓ ଅନ୍ୟ ଗ୍ରାମବାସୀ ମାନେ ନିବେଦନ କରିଛନ୍ତି।

Comments
Loading...