କରୋନା ମହାମାରୀଙ୍କୁ ଦୃଷ୍ଟିରେ ରଖି କୋଭିଡ-୧୯ ଟୀକାର ଦ୍ରୁତ ବଣ୍ଟନ ସୁନିଶ୍ଚିତ କରିବା ପାଇଁ କେନ୍ଦ୍ର ସରକାର ପରିମାଣ ସୀମା ଉଛେଦ କରିଛନ୍ତି। ଏକ୍ସପ୍ରେସ କାର୍ଗୋ କ୍ଲିୟରାନ୍ସ ସିଷ୍ଟମ କାର୍ଯ୍ୟ କରୁଥିବା ସ୍ଥାନରେ କୋରିଅର ମାଧ୍ୟମରେ କୋଭିଡ-୧୯ ଟିକା ଆମଦାନୀ / ରପ୍ତାନିକୁ ସୁଗମ କରିବା ପାଇଁ କେନ୍ଦ୍ରୀୟ ପରୋକ୍ଷ ଟିକସ ଓ ସୀମା ଶୁଳ୍କ ବୋର୍ଡ ଏହି ନିୟମରେ ସଂଶୋଧନ କରିଛି। ଏହି ସଂଶୋଧନ ଫଳରେ ଏନି ଭାରତରୁ ଅନ୍ୟ ଦେଶକୁ ରପ୍ତାନି ହେବାକୁ ଥିବା ଟିକା ଓ ବାହାର ଦେଶରୁ ଦେଶ ମଧ୍ୟକୁ ଆମଦାନୀ ହେବାକୁ ଥିବା ଟିକା କ୍ଷେତ୍ରରେ ପରିମାଣ ନେଇ କୌଣସି ପ୍ରତିବନ୍ଧକ ରହିବ ନାହିଁ।
କେନ୍ଦ୍ରୀୟ ପରୋକ୍ଷ ଟିକସ ଓ ସୀମା ଶୁଳ୍କ ବୋର୍ଡ ଜାରି କରିଥିବା ସୂଚନା ଅନୁଯାୟୀ, କରୋନା ମହାମାରୀ ସାରା ବିଶ୍ୱରେ ପ୍ରଶାସନ ପାଇଁ ସୀମାଶୁଳ୍କ ସମ୍ବନ୍ଧୀୟ ପ୍ରତିବନ୍ଧକ ସୃଷ୍ଟି କରିଛି ଯାହା କୋଭିଡ-୧୯ ଟିକା ପରିବହନ ଓ ବିତରଣ କ୍ଷେତ୍ରରେ ଏକ ଆହ୍ୱାନ ପାଲଟିଛି। ବିଶେଷ କରି ଟିକାଗୁଡିକ ନିୟନ୍ତ୍ରିତ ତାପମାତ୍ରାରେ ସଂରକ୍ଷଣ ଏବଂ ପରିବହନ କରାଯିବା ଆବଶ୍ୟକ ହୋଇପଡିଛି କାରଣ ଏହି ପ୍ରକ୍ରିୟା ସହ ଏକାଧିକ ଭାଗିଦାରୀ ଜଡିତ ଅଛନ୍ତି।
ଏହି ନିୟମରେ ଆହୁରି କୁହାଯାଇଛି ଯେ ଯେହେତୁ ଆବଶ୍ୟକୀୟ ତାପମାତ୍ରା ନିରୀକ୍ଷଣ ଏବଂ ଟ୍ରାକିଂ ଉପକରଣ ସହିତ ନିର୍ଦ୍ଧିଷ୍ଟ କଣ୍ଟେନରରେ ଏହି ଟିକା ଆମଦାନୀ ହେବ, ତେଣୁ ସ୍ଥାୟୀ ପାତ୍ରର ରପ୍ତାନି ମଧ୍ୟ ଅନୁମତି ଦିଆଯାଇଛି।
Comments are closed.