ଗୋପାଳପୁର: ଗୋପାଳପୁର ଥାନା ଅନ୍ତର୍ଗତ ଡୁରା ଓଭର ବ୍ରିଜ ତଳୁ ଏକ ଯୁବକଙ୍କ ଗଳିତ ଶବକୁ ପୁଲିସ ଆଜି ଅପରାହ୍ନରେ ଉଦ୍ଧାର କରିଛି। ଗଳିତ ଶବଟି ଯୁବକ ଜଣଙ୍କ ବ୍ରହ୍ମପୁର ଗାନ୍ଧୀନଗର ପଞ୍ଚମ ଲେନର ଏଲ. ରାକେଶ ଆଚାରି ଵୟସ ପ୍ରାୟ ୩୦ ହୋଇଥିବା ଗୋପାଳପୁର ପୁଲିସ ପକ୍ଷରୁ ସୁଚନା ଦିଆଯାଇଛି। ସୂଚନା ପ୍ରକାରେ ଆଜି ଡୁରା ଓଭର ବ୍ରିଜ ତଳେ ଯୁବକଟି ମୃତ ଅବସ୍ଥାରେ ପଡିଥିବା ଦେଖି ଲୋକେ ଗୋପାଳପୁର ପୁଲିସକୁ ଖବର ଦେଇଥିଲେ। ଖବର ପାଇ ଘଟଣା ସ୍ଥଳରେ ପୁଲିସ ପହଞ୍ଚି ତଦନ୍ତ ଆରମ୍ଭ କରିଥିଲା। ମୃତ ଯୁବକଙ୍କ ଶବ ଉଦ୍ଧାର ନେଇ ବିଭିନ୍ନ ସୋସିଆଲ ମିଡ଼ିଆ ରେ ପ୍ରଚାର ହେବା ପରେ ମୃତ ରାକେଶ ଙ୍କ ପରିବାରର ମା ଓ ଭଉଣୀ ଘଟଣା ସ୍ଥଳରେ ପହଞ୍ଚି ଶବ ଚିହ୍ନଟ କରିଥିଲେ।
ପରିବାର ଲୋକଙ୍କ କହିବା ଅନୁସାରେ ଗତ ଶୁକ୍ରବାର ଠାରୁ ରାକେଶ ଘରୁ ଯାଇଥିବା ବେଳେ ନିଖୋଜ ରହିଥିଲେ । ପୁଲିସ ପକ୍ଷରୁ ଘଟଣା ନେଇ ୨୨/୨୧ ଏକ ଅପମୃତ୍ୟୁ ମାମଲା ରୁଜ୍ଜୁ କରି ଶବ ବ୍ୟବଚ୍ଛେଦ ନିମନ୍ତେ ବ୍ରହ୍ମପୁର ମେଡ଼ିକାଲ ପଠାଯାଇ ଥିବା ଥାନା ଅଧିକାରୀ ମାଧବାନନ୍ଦ ନାୟକ ସୂଚନା ଦେଇଛନ୍ତି। ଏହା ସହ କେଉଁ ପରିସ୍ଥିତିରେ କିପରି ରାକେଶ ଙ୍କ ମୃତ୍ୟୁ ଘଟିଲା ତାହା ନେଇ ମଧ୍ୟ ତଦନ୍ତ ଜୋରଦାର କରାଯାଇଥିବା ଆଇଆଇସି ମାଧବାନନ୍ଦ ନାୟକ ପ୍ରକାଶ କରିଛନ୍ତି।
Comments are closed.