ଲାଞ୍ଚ ନେଇ ସହକାରୀ ଉପନିରୀକ୍ଷକ ଗିରଫ

ଗୋପ : ଜମିଜମା ମାମଲାର ଫଇସଲା ଲାଗି ଜଣେ ବ୍ୟକ୍ତିଙ୍କଠାରୁ ଦୁଇ ହଜାର ଟଙ୍କା ଲାଞ୍ଚ ନେଉଥିବା ସମୟରେ ଗୋପ ଥାନା ସହକାରୀ ଉପନିରୀକ୍ଷକ (ଏଏସ୍‌ଆଇ) ରାଧାଶ୍ୟାମ ନାୟକ ଦୁର୍ନୀତି ନିବାରଣ ବିଭାଗ ହାତରେ ଧରାପଡ଼ି ଗିରଫ ହୋଇଛନ୍ତି।
ଗୋପ ଥାନା ଅଧୀନ ଗଣେଶ୍ୱରପୁର ପଞ୍ଚାୟତ ସୁବର୍ଣ୍ଣପୁର ଗ୍ରାମରେ ଜମିବାଡି ବିବାଦକୁ ନେଇ ମନୋରଞ୍ଜନ ବେହେରା ଓ ତାଙ୍କ ପତ୍ନୀଙ୍କ ବିେରାଧରେ ମାମଲା ରୁଜୁ ହୋଇଥିଲା। ଏହି ମାମଲାରେ ଉଭୟଙ୍କୁ ଜାମିନ ଦେବାକୁ ରାଧାଶ୍ୟାମ ନାୟକ ୫ ହଜାର ଟଙ୍କା ଦାବି କରିଥିଲେ। ବହୁ ଅନୁରୋଧ ପରେ ୨ ହଜାର ଟଙ୍କା ନେବାକୁ ଶ୍ରୀ ନାୟକ ରାଜି ହୋଇଥିଲେ। ଏ ନେଇ ଶ୍ରୀ ବେହେରା ଭୁବନେଶ୍ବରସ୍ଥିତ ଦୁର୍ନୀତି ନିବାରଣ କାର୍ଯ୍ୟାଳୟରେ ଅଭିେଯାଗ କରିଥିଲେ । ପୂର୍ବ ପ୍ରସ୍ତୁତି ମୁତାବକ ରବିବାର ଦିନ ୧୦ଟା ସମୟରେ ମନୋରଞ୍ଜନ ଟଙ୍କା ନେଇ ଏଏସ୍ଆଇଙ୍କ ସରକାରୀ ବାସଭବନ ପରିସରରେ ଦେଉଥିବା ସମୟରେ ଦୁର୍ନୀତି ନିବାରଣ ଅଧିକାରୀମାନେ ଟଙ୍କା ସହ ଶ୍ରୀ ନାୟକଙ୍କୁ ଗିରଫ କରିଥିଲେ। ଏଥିସହ ଗୋପସ୍ଥିତ ଭଡାଘର ଓ କେନ୍ଦ୍ରାପଡା ସହରସ୍ଥିତ ବାସଭବନ ଉପରେ ମଧ୍ୟ ଚଢଉ କରାଯାଇଛି।

Comments
Loading...