ଗୁଗୁଲ୍ ଡ୍ରାଇଡ ଲଞ୍ଚ କଲା ନୂତନ ଫିଚର, ତଥ୍ୟ ସର୍ଚ୍ଚ କରିବା ହେବ ସହଜ

ନୂଆଦିଲ୍ଲୀ: ଡିଜିଟାଲ ଯୁଗରେ ଆମେ ସମସ୍ତେ ଜିମେଲ ବ୍ୟବହାର କରିଥାଉ, ହେଲେ ବହୁତ କମ୍ ଲୋକ ଗୁଗୁଲ୍ ଡ୍ରାଇଭ୍ ବ୍ୟବହାର କରୁଛନ୍ତି। ଅଫିସରେ କାର୍ଯ୍ୟ କରୁଥିବା କିମ୍ବା ତଥ୍ୟର ରେକର୍ଡ ରଖିବା ପାଇଁ ଗୁଗୁଲ୍ ଡ୍ରାଇଭକୁ ବ୍ୟବହାର କରାଯାଇଥାଏ। ବର୍ତ୍ତମାନ ଗୁଗୁଲ୍ ଡ୍ରାଇଭରେ ଏକ ନୂତନ ଫିଚର ଆସିଛି। ଏହା କେବଳ ମୋବାଇଲ୍ ଆପ୍ ବ୍ୟବହାରକାରୀଙ୍କ ପାଇଁ ଅଟେ। ଗୁଗୁଲ୍ ଡ୍ରାଇଭର ଏହି ନୂତନ ଫିଚର ବିଷୟରେ ତଥ୍ୟ ଗୁଗୁଲର ଏକ ବ୍ଲଗରୁ ସୂଚାନା ମିଳିଛି।

ନୂତନ ଫିଚର ପରେ ଗୁଗୁଲ ଡ୍ରାଇଭରେ ଯେକୌଣସି ଫାଇଲ ଖୋଜିବା ସହଜ ହେବ। ଯଦି ଆପଣ ଫାଇଲର ନାଁ ମନେ ରଖି ନାହାନ୍ତି, ତେବେ ଆପଣ ସେହି ଫାଇଲର ଫର୍ମାଟ୍ ମାଧ୍ୟମରେ ଖୋଜି ପାରିବେ। ଏହି ନୂତନ ଫିଚର ଉଭୟ ଆଣ୍ଡ୍ରଏଡ୍ ଏବଂ ଆଇଓଏସ୍ ପାଇଁ ନୂଆ ଅପଡେଟ୍ ଲଞ୍ଚ ହୋଇଛି। ନୂତନ ଫିଚର ପରେ, ଆପଣ ଗୁଗୁଲ୍ ଡ୍ରାଇଭର ମୋବାଇଲ୍ ଆପ୍ ସଂସ୍କରଣରେ ଏକ ସାମ୍ପ୍ରତିକ ଫାଇଲ୍ ମଧ୍ୟ ଦେଖିବେ, ଯାହା ଡେସ୍କଟପ୍ ସହିତ ସିଙ୍କ୍ ଜାରି ରଖିବ। ଗୁଗୁଲ୍ ଡ୍ରାଇଭରେ ସର୍ଚ୍ଚରୁ ସହଜ କରିବାକୁ ଏହି ନୂତନ ଫିଚର ଦିଆଯାଇଛି। ଗୁଗୁଲ୍ ଡ୍ରାଇଭରେ ଇଣ୍ଟେଲିଜେଣ୍ଟ୍ ଅପ୍ଟିମାଇଜେସନ୍ ମଧ୍ୟ ଯୋଡା ଯାଇଛି । ଏହାର ସୁବିଧା ହେଉଛି ଯେ, ତୁମେ ଯେତେ ଶୀଘ୍ର କିଛି ସନ୍ଧାନ କରିବାକୁ ଚାହୁଁଛ, ଗୁଗୁଲ ଆପଣଙ୍କୁ କିଛି ପରାମର୍ଶ ଦେବ ଯେଉଁଥିରୁ ଆପଣ ନିଜ ପସନ୍ଦ ଅନୁଯାୟୀ ବିକଳ୍ପ ବାଛି ପାରିବେ। ଗୁଗୁଲ କହିବା ଅନୁଯାୟୀ, କରୋନା ସମୟରେ ଘରୁ କାମ କରୁଥିବା ଲୋକଙ୍କ ସୁବିଧା ପାଇଁ ଏହି ଫିଚର ଲଞ୍ଚ କରାଯାଇଛି।

Comments
Loading...