ଜିଓର ୪ଟି ଡାଟା ଭାଉଚରରେ ଦୁଇ ଗୁଣା ଅଧିକ ଡାଟା, ଅତିରିକ୍ତ ଅଣ-ଜିଓ ଟକ୍‍ଟାଇମ୍‍

ସାଂପ୍ରତିକ ସ୍ଥିତିକୁ ଦୃଷ୍ଟିରେ ରଖି ଗ୍ରାହକଙ୍କ ପାଇଁ ଡାଟା ଭାଉଚରରେ ଅଧିକ ସୁବିଧା ଆଣିଲା ଜିଓ

ଭୁବନେଶ୍ୱର : ମୋବାଇଲ୍‍ ଡାଟା ବ୍ୟବହାରକାରୀଙ୍କୁ ସାହାଯ୍ୟ କରିବାର ପ୍ରତିବଦ୍ଧତା ନେଇ ବର୍ତ୍ତମାନର ଗୁରୁତ୍ୱପୂର୍ଣ୍ଣ ସମୟରେ ବର୍ତ୍ତମାନର ଗୁରୁତ୍ୱପୂର୍ଣ୍ଣ ସମୟରେ  ଜିଓ ପକ୍ଷରୁ ୪ଜି ଡାଟା ଭାଉଚରରେ ଗ୍ରାହକମାନଙ୍କୁ ମିଳୁଥିବା ଲାଭରେ ଦୁଇ ଗୁଣା ବୃଦ୍ଧି କରାଯାଇଛି। ଏହି ଭାଉଚର୍‍ ଗୁଡ଼ିକରେ ମିଳୁଥିବା ଡାଟା ପରିମାଣକୁ ଦ୍ୱିଗୁଣିତ କରାଯାଇଥିବା ବେଳେ ଅତିରିକ୍ତ ଅଣ-ଜିଓ ଟକ୍‍ଟାଇମ୍‍ର ସୁବିଧା ଯୋଗ କରାଯାଇଛି।
ଅପ୍‍ଗ୍ରେଡ୍‍ କରାଯିବା ପରେ ଜିଓର ୧୧ ଟଙ୍କା, ୨୧ ଟଙ୍କା, ୫୧ ଟଙ୍କା ଓ ୧୦୧ ଟଙ୍କାର ଡାଟା ଭାଉଚରରେ ଏବେ ଯଥାକ୍ରମେ ୮୦୦ ଏମ୍‍ବି, ୨ ଜିବି, ୬ ଜିବି ଓ ୧୨ ଜିବିର ହାଇ ସ୍ପିଡ୍‍ ଡାଟା ମିଳିବ। ଏହି ଭାଉଚର୍‍ଗୁଡ଼ିକରେ ଅଣ ଜିଓ ନମ୍ବରକୁ କଲ୍‍ କରିବା ଲାଗି ଅତିରିକ୍ତ ଟକ୍‍ଟାଇମ୍‍ ଯୋଗ କରାଯାଇଛି। ଏହି ଚାରିଟି ଭାଉଚରରେ ଅଣ ଜିଓ ନମ୍ବରକୁ କଲ୍‍ କରିବା ଲାଗି ଯଥାକ୍ରମେ ୭୫, ୨୦୦, ୫୦୦ ଓ ୧୦୦୦ ମିନିଟ୍‍ର ଅତିରିକ୍ତ ଟକ୍‍ ଟାଇମ୍‍ ପ୍ରଦାନ କରାଯାଉଛି।
ବ୍ୟବସାୟିକ ସଂସ୍ଥାଗୁଡ଼ିକ ସେମାନଙ୍କ କର୍ମଚାରୀମାନଙ୍କୁ ଘରେ ରହି କାର୍ଯ୍ୟ କରିବା ଲାଗି ଉତ୍ସାହିତ କରୁଥିବା ବେଳେ ପ୍ରଯୁକ୍ତି ଜରିଆରେ ସମ୍ପର୍କରେ ରହି ଆଲୋଚନା କରିବା ଏବଂ ଆମୋଦ ପ୍ରମୋଦ ଲାଗି ପରିବାରଗୁଡ଼ିକର ଡାଟା ଆବଶ୍ୟକତା ବଢ଼ିଯାଇଛି। ଜିଓ ଏହାର ୪ଜି ଡାଟା ଭାଉଚର୍‍କୁ ଅପଗ୍ରେଡ୍‍ କରି ବ୍ୟବହାରକାରୀମାନଙ୍କୁ ସହାୟତା ପ୍ରଦାନ କରୁଛି ଏବଂ ଭାରତୀୟମାନେ ଯେଭଳି ନିରବଚ୍ଛିନ ଭାବେ, ପର୍ଯ୍ୟାପ୍ତ ପରିମାଣର ଏବଂ ସୁଲଭ ମୂଲ୍ୟର ଡାଟା ଜରିଆରେ ନିଜର ଯୋଗାଯୋଗ (କନେକ୍ଟିଭିଟି) ଆବଶ୍ୟକତାକୁ ପୂରଣ କରିପାରିବେ ତାହାକୁ ନିଶ୍ଚିତ କରୁଛି।

Comments
Loading...