ଗଞ୍ଜାମ: ସାରା ଦେଶରେ ପାଳିତ ହେଉଛି ୭୬ ତମ ସ୍ବାଧୀନତା ଦିବସ । ଦିଲ୍ଲୀ ଠାରୁ ପଲ୍ଲୀ ପର୍ଯ୍ୟନ୍ତ ସ୍ୱାଧୀନ ଭାରତର ୭୫ ବର୍ଷ ପୂର୍ତ୍ତି ଅବସରରେ ଦେଶର ଘରେ ଘରେ ତ୍ରିରଙ୍ଗା ମହୋତ୍ସବ ପାଳନ କରାଯାଇଛି । ଏହି ମହାନ୍ ଦିବସରେ ଗଞ୍ଜାମ ବ୍ଲକର ଅଗ୍ରଣୀ ସ୍ବେଚ୍ଛାସେବୀ ଯୁବ ସଂଗଠନ ୟୁଥ୍ ଫର୍ ଭିଲେଜ୍ ପକ୍ଷରୁ ସ୍ଵାଧୀନତା ଦିବସ ପାଳନ କରାଯାଇଛି । ସଂଗଠନ ପକ୍ଷରୁ ଏହି ବ୍ଲକ ଅନ୍ତର୍ଗତ ପୋଇରାଶି ପଞ୍ଚାୟତର ତାରିଣୀ ପଲ୍ଲୀ ଗ୍ରାମରୁ ଛୋଟବଶା ପର୍ଯ୍ୟନ୍ତ ତ୍ରିରଙ୍ଗା ଯାତ୍ରା କରାଯାଇଥିଲା । ଏହି ତ୍ରିରଙ୍ଗା ଯାତ୍ରାରେ ସଂଗଠନର ସଦସ୍ୟ, ଗ୍ରାମବାସୀ ଓ ନୀଳକଣ୍ଠେଶ୍ଵର ଶିକ୍ଷା କେନ୍ଦ୍ର ଛାତ୍ରଛାତ୍ରୀ ସାମିଲ ହୋଇ ବିଭିନ୍ନ ଗ୍ରାମ ବୁଲି ଶେଷରେ ଗ୍ରାମରେ ପତାକା ଉତ୍ତୋଳନ କରାଯାଇଥିଲା ।
ମୁଖ୍ୟ ଅତିଥି ଭାବେ ଅବସରପ୍ରାପ୍ତ ସାମରିକ ବାହିନୀ କର୍ମଚାରୀ ଶ୍ରୀ ଦୁର୍ଯ୍ୟୋଧନ ସେଠୀ ପତାକା ଉତ୍ତୋଳନ କରିଥିଲେ । ଅନୁଷ୍ଠିତ ସଭାରେ ମୁଖ୍ୟ ଅତିଥି ଶ୍ରୀ ସେଠୀ, ସମ୍ମାନିତ ଅତିଥି ଭାବେ ଗ୍ରାମ୍ୟ ଉପଦେଷ୍ଟା ଶ୍ରୀ ଗଣପତି ବେହେରା, ସଭାପତି କୈଳାସ ସେଠୀ ପ୍ରମୁଖ ମଞ୍ଚାସିନ ହୋଇ ବକ୍ତବ୍ୟ ରଖିଥିଲେ । ବିଭିନ୍ନ ପ୍ରକାର ସ୍ଵାଧୀନତା ସମନ୍ଧିୟ ବକୃତା, କବିତା, ସଙ୍ଗୀତ ଛାତ୍ରଛାତ୍ରୀ ମାନଙ୍କ ମଧ୍ୟରେ ଅନୁଷ୍ଠିତ ହେଇ ପୁରସ୍କାର ବିତରଣ କରାଯାଇଥିଲା । ଉପଦେଷ୍ଟା ଚୈତନ୍ୟ ରେଡ୍ଡୀଙ୍କ ସଂଯୋଜନାରେ ତ୍ରିରଙ୍ଗା ଯାତ୍ରାରେ ଦୀପକ ସାହୁ, ରବୀନ୍ଦ୍ର ଗୌଡ, ସଭାପତି କୈଳାସ ସେଠୀ, ସମ୍ପାଦକ ସୁନିଲ ସେଠୀ, ବି ଦେବାଶିଷ ରେଡ଼ି, ଆର୍ ମାଗୁଣି ରେଡ଼ି, ନିରାକାର ମହାରଣା, ସୁରେନ୍ଦ୍ର ଗୌଡ, ମୋଚିରାମ ବେହେରା, ଟୁନା ବେହେରା ପ୍ରମୁଖଙ୍କ ନେତୃତ୍ବରେ ବି ତୋଫାନ, ସିମଞ୍ଚଳ ମହାପାତ୍ର, ବି ଯୁଗଳ ରେଡ଼ି, ପି ହରିକୃଷ୍ଣ, ୟୁ କୈଳାସ ପ୍ରମୁଖ ଅଂଶ ଗ୍ରହଣ କରିଥିଲେ।
Comments are closed.