ନବରଙ୍ଗପୁର: ନବରଙ୍ଗପୁର ଜିଲ୍ଲାରୁ ପୁଣି ଗଞ୍ଜେଇ ଜବତ । ଗଞ୍ଜେଇ ଜବତ କଲା ମୈଦାଲପୁର ଫାଣ୍ଡି ପୋଲିସ । କୌଣସି ସୂତ୍ରରୁ ଖବର ପାଇ ପାପଡାହାଣ୍ଡି ଥାନା ଅନ୍ତର୍ଗତ ମଇଦଲପୁର ଫାଣ୍ଡି ନିକଟରେ ଗୋଟିଏ ସିଲଭର ରଙ୍ଗର କାରକୁ ଅଟକାଇ ଗାଡିରୁ ଗଞ୍ଜେଇ ସହ ଜଣଙ୍କୁ ଗିରଫ କରିଛି ପୋଲିସ।
ଆଜି ପାପଡାହାଣ୍ଡି ପୋଲିସ ଖବର ପାଇ ମଇଦଳପୁର ଫାଣ୍ଡି ନିକଟରେ ଜଗିରହି ସନ୍ଦେହ ଜନକ ଅବସ୍ଥାରେ ଯାଉଥିବା ଏକ ସିଲଭର ରଙ୍ଗର କାରକୁ ଅଟକାଇ ସେଥିରେ ଗଂଜେଇ ଥିବା ଜାଣି ଗାଡି ସହ ଡ୍ରାଇଭରକୁ ଅଟକ ରଖି ତଲାସ କରିବା ପରେ ଗାଡି ଡ଼ିକିରେ ଗଂଜେଇ ଚୋରା ଚାଲାଣ ହେଉଥିବା ଜାଣିବା ପରେ ପାପଡାହାଣ୍ଡି ଅତିରିକ୍ତ ତହସିଲଦାର ମଧୁ ସୁଦନ ମାଝୀଙ୍କ ଉପସ୍ଥିତିରେ ଗଂଜେଇ ଓଜନ କରିବା ପରେ ସେଥିରେ ୧୩୭କେଜି ଗଂଜେଇ ଥିବା ଜଣାପଡିଥିଲା । ଏଥିସହ ଏଥିରେ ସମ୍ପୃକ୍ତ ବ୍ୟକ୍ତି ମହମଦ ସାକିନ ଆନସାରୀକୁ ଗିରଫ କରିଥିଲେ। କାରଟି ଜୟପୁରରୁ ଝାରଖଣ୍ଡ ଯାଉଥିଲା। ଗଂଜେଇ ସବୁ ଛୋଟ ଛୋଟ ପ୍ୟାକେଟରେ ଭର୍ତି ଥିଲା । ଜବତ ଗଞ୍ଜେଇର ଆନୁମାନିକ ମୂଲ୍ୟ ପ୍ରାୟ ୭ଲକ୍ଷ ଟଙ୍କା ହେବ ବୋଲି ସୂଚନା ମିଳିଛି । ଗାଡି ଚଢାଉ ସମୟରେ ପାପଡାହାଣ୍ଡି ଏସ୍ଡ଼ିପିଓ ଆଦିତ୍ୟ ସେନ, ପାପଡାହାଣ୍ଡି ଥାନା ଅଧିକାରୀ ସୂବେନ୍ଦୁ ଶବର, ମଇଦଳପୁର ଫାଣ୍ଡି ଅଧିକାରୀ ଅନକ୍ଷମୁ ଦିଆନ ପ୍ରମୁଖ ସାମିଲ ଥିଲେ।
Comments are closed.