MEllora 950×100

ମୋବାଇଲ ଆଣିବାକୁ ଯାଇ ଯୁବକ ନିଖୋଜ; ଥାନାରେ ଏତଲା

ଜି ଉଦୟଗିରି: ମୋବାଇଲ ଆଣିବାକୁ ଯାଉଛି କହି ଯୁବକ ନିଖୋଜ ହୋଇଥିବା ଅଭିଯୋଗ । ଶନିବାର ଅପରାହ୍ନ ୫ଟା ପରେ ଘରେ ସ୍ତ୍ରୀକୁ ମୋବାଇଲ୍ ଆଣିବାକୁ ଯାଉଛି କହି ଆଉ ଘରକୁ ଫେରିନାହାନ୍ତି ଶ୍ୟାମସୁନ୍ଦର ବେହେରା । ଶ୍ୟାମସୁନ୍ଦରଙ୍କୁ ବହୁ ଖୋଜା ଖୋଜି ପରେ ସ୍ତ୍ରୀ ଲକ୍ଷ୍ମୀ ବେହେରା ଏନେଇ ଥାନାରେ ଅଭିଯୋଗ କରିଛନ୍ତି । ଅଭିଯୋଗକୁ ଆଧାରକରି ପୁଲିସ ଏକ ନିଖୋଜ ମାମଲା ରୁଜୁ କରି ତଦନ୍ତ ଚଳାଇଥିବା ଜଣାପଡ଼ିଛି । ନିଖୋଜ ଶ୍ୟାମସୁନ୍ଦର ବେହେରାଙ୍କ ବାପା ଓ ମା’ଙ୍କ ଦେହାନ୍ତ ହୋଇଯାଇଥିବା ବେଳେ ବର୍ତ୍ତମାନ ସ୍ତ୍ରୀ ଲକ୍ଷ୍ମୀ ତାଙ୍କ ପୁଅ ଓ ଝିଅଙ୍କୁ ନେଇ ରହୁଛନ୍ତି । ପୂର୍ବରୁ ଥରେ ଶ୍ୟାମସୁନ୍ଦର ଏପରି ନିଖୋଜ ଥିଲେ । ୨/୩ ମାସ ପରେ ଘରକୁ ଫେରିଥିଲେ ବୋଲି ସୂଚନା ରହିଛି ।

Comments are closed.