ଲକ୍‌ଡାଉନ୍‌ରେ ଖୋଲିବ ଫଳ ଓ ଆମିଷ ଦୋକାନ

ଭୁବନେଶ୍ଵର : ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା ହୁ ହୁ ହୋଇ ବୃଦ୍ଧି ପାଇବାରେ ଲାଗିଛି। ରାଜ୍ୟରେ ଚିହ୍ନଟ ହୋଇଥିବା ମୋଟ୍ ୧୬ ହଜାର ୧୧୦ ଆକ୍ରାନ୍ତଙ୍କ ମଧ୍ୟରୁ ଅର୍ଦ୍ଧାଧିକ ଆକ୍ରାନ୍ତ ଗଞ୍ଜାମ, ଖୋର୍ଦ୍ଧା, ଯାଜପୁର, କଟକ ଓ ରାଉରକେଲା ମହାନଗର ନିଗମ ଅଞ୍ଚଳରୁ ଚିହ୍ନଟ ହୋଇଛନ୍ତି। ଏହି ୪ ଟି ଜିଲା ଏବଂ ରାଉରକେଲା ମହାନଗର ନିଗମ ଅଞ୍ଚଳରେ ସଂକ୍ରମଣକୁ ରୋକିବା ପାଇଁ ରାଜ୍ୟ ସରକାରଙ୍କ ପକ୍ଷରୁ ଆଜିଠାରୁ ୩୧ ଜୁଲାଇ ପର୍ଯ୍ୟନ୍ତ ଲକ୍‌ଡାଉନ୍‌ ଘୋଷଣା କରାଯାଇଛି। ଏହି ଲକ୍‌ଡାଉନ୍‌ ସମୟ ମଧ୍ୟରେ ସକାଳ ୬ଟାରୁ ଦିନ ୧ ଟା ଯାଏଁ କ୍ଷୀର,ପରିବା ଓ ରାସନ ଦୋକାନ ଖୋଲିବ ବୋଲି ସୂଚନା ଦିଆଯାଇଥିଲା। ଆମିଷ ସାମଗ୍ରୀ ଅନ୍‌ଲାଇନ୍‌ରେ ଅର୍ଡର କରିପାରିବେ ବୋଲି ସୂଚନା ଦିଆଯାଇଥିଲା।

Modification of Lockdown order as issued today may be seen at https://t.co/IZv2th44IO https://t.co/yfE3B1fTJL @CMO_Odisha @SecyChief @IPR_Odisha @SRC_Odisha @osdmaodisha @HFWOdisha

— Pradeep Jena IAS (@PradeepJenaIAS) July 17, 2020

କିନ୍ତୁ ଆଜି ରାଜ୍ୟ ସରକାର ଗତକାଲିର ନିୟମରେ ସାମାନ୍ୟ ପରିବର୍ତ୍ତନ ଆଣିଛନ୍ତି। ଯାହା ଲୋକମାନଙ୍କୁ ଟିକେ ଆଶ୍ବସ୍ତ କରିଛି । କାରଣ ଲକଡାଉନରେ ଖୋଲାରହିବ ଫଳ, ମାଛ, ମାଂସ ଓ ଅଣ୍ଡା ଦୋକାନ । ପ୍ରତିଦିନ ସକାଳ ୬ଟାରୁ ଦିନ ୧ ଟା ଯାଏଁ ଦୋକାନ ଖୋଲାରହିବ । ଆବଶ୍ୟକ ହେଲେ ଅଲଗା ଜାଗାକୁ ଏସବୁ ଦୋକାନକୁ ସ୍ଥାନାନ୍ତର କରାଯିବ । ଲକଡାଉନ ହୋଇଥିବା ୪ ଜିଲା ଗଞ୍ଜାମ, ଖୋର୍ଦ୍ଧା, ଯାଜପୁର, କଟକ ଓ ରାଉରକେଲା ସହର ପାଇଁ ଏହି ନିୟମ ଲାଗୁ କରାଯାଇଛି। କିନ୍ତୁ ଗ୍ରାହକମାନେ ସାମାଜିକ ଦୂରତା ମାନି ଦୋକାନରୁ ଜିନିଷ କିଣିପାରିବେ। ସଂଶୋଧିତ ନିର୍ଦ୍ଦେଶନାମାରେ ଏନେଇ ସ୍ପଷ୍ଟ କରିଛନ୍ତି ସ୍ୱତନ୍ତ୍ର ରିଲିଫ୍ କମିଶନର । ଅନ୍ୟପଟେ ଲାଇସେନ୍ସପ୍ରାପ୍ତ ଦୋକାନୀ ମଦ ହୋମ ଡେଲିଭରି କରିପାରିବେ ବୋଲି କୁହାଯାଇଛି ।