ଗୋପବନ୍ଧୁ ବିଜ୍ଞାନ କଲେଜର ପ୍ରତିଷ୍ଠା ଦିବସ

ଆଠଗଡ଼ : ଆଠଗଡ଼ ଅଞ୍ଚଳର ସର୍ବ ପୁରାତନ ଉଚ୍ଚ ଶିକ୍ଷାନୁଷ୍ଠାନ ଗୋପବନ୍ଧୁ ବିଜ୍ଞାନ ମହାବିଦ୍ୟାଳୟର ୫୯ତମ ପ୍ରତିଷ୍ଠା ଦିବସ କୋଭିଡ କଟକଣା ମଧ୍ୟରେ ନିରାଡମ୍ବର ଭାବେ ପାଳିତ ହୋଇଯାଇଛି। କଲେଜର ଅଧ୍ୟକ୍ଷ ଡଃ ଲୋକନାଥ ସାହୁ ଏଥିରେ ମୁଖ୍ୟଅତିଥି ଭାବେ ଯୋଗଦେଇ କଲେଜର ପ୍ରତିଷ୍ଠାତ ଡଃ ରାଧାନାଥ ରଥଙ୍କର ଏହି ଅନୁଷ୍ଠାନ ପ୍ରତି ଅବଦାନ ସଂପର୍କରେ ଆଲୋକପାତ କରିବା ସହ ତାଙ୍କ ପ୍ରତି ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ଏହି ଅବସରରେ କଲେଜର ୫୯ବର୍ଷର ସ୍ମରଣୀୟ ଅତୀତ ସଂପର୍କରେ ବିସ୍ତୃତ ଭାବେ ଆଲୋଚନା କରିବା ସହ ଅଧ୍ୟକ୍ଷ ଶ୍ରୀ ସାହୁ ମହାବିଦ୍ୟାଳୟର ଶୈକ୍ଷିକ ବାତାବରଣକୁ ଆହୁରି ଉନ୍ନତ କରିବା ଉପରେ ଗୁରୁତ୍ୱାରୋପ କରିଥିଲେ। ଅଧ୍ୟକ୍ଷ ଡଃ ସାହୁ ନୂତନ ଶିକ୍ଷାନୀତି ସଂପର୍କରେ ଅବତାରଣା କରିବା ସହ କଲେଜର ବିଭିନ୍ନ ସମସ୍ୟା କିପରି ସମାଧାନ କରାଯିବ ସେ ଦିଗରେ ପଦକ୍ଷେପ ନେବା ପାଇଁ ଉଦ୍ୟମ କରାଯାଉଥିବା ପ୍ରକାଶ କରିଥିଲେ। ବିଶେଷକରି କଲେଜର ଭିତ୍ତିଭୂମି ବିକାଶ ଦିଗରେ ସ୍ଥାନୀୟ ବିଧାୟକ ତଥା ରାଜ୍ୟ ଖାଦ୍ୟଯୋଗାଣ, ଖାଉଟି କଲ୍ୟାଣ ଓ ସମବାୟ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ ଅନେକ ପଦକ୍ଷେପ ଗ୍ରହଣ କରିଥିବା ଅଧ୍ୟକ୍ଷ ସୂଚନା ଦେଇଥିଲେ। ବରିଷ୍ଠ ଅଧ୍ୟାପକ ବିଜୟ କୁମାର ତ୍ରିପାଠୀ, ଡଃ ଅଞ୍ଜନ ନନ୍ଦ, ଦିଲ୍ଲୀପ ପଟ୍ଟନାୟକ, ଶୁଭଦର୍ଶନ ମହାପାତ୍ର, ପ୍ରାଧ୍ୟାପିକା ପ୍ରଭାତି ଦେବୀ, ଅଧ୍ୟାପିକା ମଳୟ ମଞ୍ଜରୀ ଦାସ, ଛାୟା ମହାପାତ୍ର, ବିଷ୍ଣୁପ୍ରିୟା ପଣ୍ଡା, ପ୍ରୀତି ପ୍ରିୟଦର୍ଶିନୀ ପ୍ରମୁଖ ଉଦ୍‍ବୋଧନ ଦେଇଥିଲେ। ପ୍ରାରମ୍ଭରେ ଅଧ୍ୟକ୍ଷ ଓ ସମସ୍ତ ଅଧ୍ୟାପକ/ଅଧ୍ୟାପିକା କଲେଜ ପରିସରରେ ପ୍ରତିଷ୍ଠିତ ଉତ୍କଳମଣି ପଣ୍ଡିତ ଗୋପବନ୍ଧୁ ଏବଂ ପଦ୍ମଭୂଷଣ ଡଃ ରାଧାନାଥ ରଥଙ୍କ ପ୍ରତିମୂର୍ତ୍ତୀରେ ମାଲ୍ୟାର୍ପଣ କରିଥିଲେ। ଅଧ୍ୟାପିକା ଡଃ ଗାୟତ୍ରୀ ତ୍ରିପାଠୀ ସର୍ବଶେଷରେ ଧନ୍ୟବାଦ ଅର୍ପଣ କରିଥିଲେ।

Comments
Loading...