ସଠିକ ସମୟରେ ଭୋଜନ କରିବା ଦ୍ୱାରା ମିଳେ ଏହି ଲାଭ

ସୁସ୍ଥ ରହିବା ପାଇଁ ଠିକ୍ ସମୟରେ ପୃଷ୍ଟିକର ଖାଦ୍ୟ ଖାଇବା ଆବଶ୍ୟକ । ବିଶେଷ କରି ଓଜନ କମ କରିବାକୁ ଚାହୁଁଥିବା ବ୍ୟକ୍ତିମାନେ ଏହି ଦିଗ ପ୍ରତି ଧ୍ୟାନ ଦେବା ଉଚିତ୍ । ଯଦି ଆପଣ କମ୍ ସମୟରେ ଅଧିକ ଓଜନ ହ୍ରାସ କରିବାକୁ ଚାହୁଁଛନ୍ତି, ତେବେ ଖାଦ୍ୟ ସହ ଭୋଜନ କରୁଥିବା ସମୟ ଉପରେ ଅଧିକ ଧ୍ୟାନ ଦିଅନ୍ତୁ । କାର୍ୟ୍ୟ ବ୍ୟସ୍ତତା ଓ ସମୟ ଅଭାବ କାରଣରୁ ଅଧିକାଂଶ ଲୋକ ମଧ୍ୟାହ୍ନ ଭୋଜନ ବିଳମ୍ବରେ କରିଥାନ୍ତି । ଏହି ବଦ ଅଭ୍ୟାସ ଓଜନ ବୃଦ୍ଧିର କାରଣ ହୋଇଥାଏ ।

ତଥ୍ୟ ଅନୁଯାୟୀ, ଅପରାହ୍ନ ୩ଟା ପରେ ମଧ୍ୟାହ୍ନ ଭୋଜନ କରୁଥିବା ଲୋକଙ୍କ କ୍ଷେତ୍ରରେ ଓଜନ ହ୍ରାସରେ ସମସ୍ୟା ଦେଖା ଦେଇଥାଏ । ଯେଉଁ ଲୋକମାନେ ୩ଟା ପରେ ମଧ୍ୟାହ୍ନ ଭୋଜନ କରୁଥିଲେ ସେମାନଙ୍କ ଓଜନ ବୃଦ୍ଧି ହୋଇଥାଏ ।

ଭୋଜନର ସଠିକ୍ ସମୟ

ଅସମୟରେ ଭୋଜନ କରିବା ଦ୍ବାରା ସ୍ବାସ୍ଥ୍ୟ ଉପରେ ଖରାପ ପ୍ରଭାବ ପଡିଥାଏ । ଯେଉଁ ଲୋକମାନେ ସଠିକ୍ ସମୟରେ ଭୋଜନ କରନ୍ତି ନାହିଁ, ଓଜନ ହ୍ରାସ କରିବାରେ ସେମାନଙ୍କ କ୍ଷେତ୍ରରେ ସମସ୍ୟା ଦେଖିବାକୁ ମିଳେ । ସଠିକ୍ ସମୟରେ ଭୋଜନ କରିବା ଦ୍ବାରା ମେଟାବୋଲିଜମ୍ ଓ ମୋଟାପଣ ନିୟନ୍ତ୍ରିତ ରହିବା ସହ ନିଦ ମଧ୍ୟ ଭଲ ହୋଇଥାଏ । ଯଦି ଆପଣ ଓଜନ କମ୍ କରିବାକୁ ଚାହୁଁଛନ୍ତି ତେବେ ସଠିକ୍ ସମୟରେ ଭୋଜନ କରନ୍ତୁ ।

Comments
Loading...