ଗୌହାଟି : ଦେଶରେ ଗ୍ରୀଷ୍ମପ୍ରବାହ ଜାରି ରହିଥିବା ବେଳେ ଆସାମରେ ବନ୍ୟା ଆସିବା ଯୋଗୁ ୬ ଜଣ ଲୋକ ମୃତ୍ୟୁବରଣ କରିଛନ୍ତି। ତା’ଛଡା ୩.୭ ଲକ୍ଷ ଲୋକ ଏଥିରେ ପ୍ରଭାବିତ ହୋଇଥିବା ଜଣାପଡିଛି। କୃଷକ, ମତ୍ସ୍ୟଜୀବୀଙ୍କ ସମେତ ଏଥିରେ କ୍ଷତିଗସ୍ତଙ୍କ ପାଇଁ ସରକାର ସହାୟତା ଘୋଷଣା କରିଛନ୍ତି।
ମିଳିଥିବା ସୂଚନା ଅନୁଯାୟୀ କରୋନା ସଂକଟ ଜାରିରହିଥିବା ବେଳେ ରାଜ୍ୟରେ ବନ୍ୟା ଯୋଗୁ ୬ ଜଣ ପ୍ରାଣ ହରାଇଛନ୍ତି। ଏହି ବନ୍ୟାରେ ସର୍ବାଧିକ ପ୍ରଭାବିତ ହୋଇଥିବା ଜିଲ୍ଲାଗୁଡିକ ମଧ୍ୟରେ ନଳବାରୀ, ଗୋଲପଡା, ନଗାଓଁ, ହାଜୋଇ, ପଶ୍ଚିମ କାର୍ବି ଆଙ୍ଗଲଙ୍ଗ, ତିନିସୁକିଆ ରହିଛି। ବନ୍ୟା ଯୋଗୁ କୃଷି ପ୍ରଭାବିତ ହୋଇଥିବାରୁ କୃଷକଙ୍କ ପାଇଁ ସହାୟତା କରିବାକୁ ରାଜ୍ୟ ସରକାର ପ୍ରସ୍ତୁତ ଥିବା ମୁଖ୍ୟମନ୍ତ୍ରୀ ସର୍ବାନନ୍ଦ ସୋନୋୱାଲ ଘୋଷଣା କରିଛନ୍ତି। କ୍ଷୟକ୍ଷତିର ବିସ୍ତୃତ ରିପୋର୍ଟ ମଗାଯାଇଛି। ରିପୋର୍ଟ ମିଳିବା ପରେ ସହାୟତା ପ୍ରଦାନ କରାଯିବ। ଏବେ ନଦୀରେ ଜଳସ୍ତର କମୁଛି। ପ୍ରଭାବିତଙ୍କୁ ବିଭିନ୍ନ ରିଲିଫ କ୍ୟାମ୍ପରେ ରଖାଯାଇଛି।
Comments are closed.