ରାଉରକେଲା : ଅହମ୍ମଦାବାଦର କୋଭିଡ ହସପିଟାଲରେ ଅଗ୍ନିକାଣ୍ଡରେ ରୋଗୀଙ୍କ ମୃତ୍ୟୁ ପରେ ରାଜ୍ୟରେ ଥିବା କୋଭିଡ ହସପିଟାଲରେ ଅଗ୍ନି ନିରାପତା ବ୍ୟବସ୍ଥାକୁ ଯାଞ୍ଚ କରିବାକୁ ନିର୍ଦ୍ଦେଶ ଦେଇଥିଲେ ରାଜ୍ୟ ସରକାର। ଫଳରେ ଅଗ୍ନିଶମ ବିଭାଗର ମହାନିଦ୍ଦେଶକଙ୍କ ନିର୍ଦ୍ଦେଶ ଅନୁସାରେ ରାଉରକେଲା ଅଗ୍ନିଶମ ବିଭାଗ ପକ୍ଷରୁ ଦୁଇଟି ଟିମ ରାଉରକେଲାର ହାଇଟେକ ସ୍ଥିତ କୋଭିଡ ହସପିଟାଲ ଓ ବିପିୟୁଟିରେ ଥିବା କୋଭିଡ କେୟାର ସେଂଟରରେ ଅଗ୍ନି ନିରାପତା ବ୍ୟବସ୍ଥାର ଯାଞ୍ଚ କରିଛନ୍ତି। ସହକାରୀ ଫାୟାର ଅଫିସରଙ୍କ ତତ୍ୱବଧାନରେ ଏହି ଟିମ ଅଗ୍ନି ନିରାପତା ବ୍ୟବସ୍ଥାର ଯାଞ୍ଚ କରିଥିଲେ। ବ୍ୟବସ୍ଥା ଠିକ ଅଛିକି ନାହିଁ ଏହାର ଅନୁଧ୍ୟାନ କରିଥିଲେ। ଏହା ସହିତ ଆବଶ୍ୟକସ୍ଥଳେ ଏହି ପରିସ୍ଥିତି କିପରି ବ୍ୟବସ୍ଥାର ନିୟନ୍ତ୍ରଣ କରାଯାଇପାରିବ, ସେଠାରେ ଥିବା କର୍ମଚାରୀଙ୍କୁ ବିଭାଗୀୟ ଅଧିକାରୀ ଓ କର୍ମଚାରୀ ପ୍ରଶିକ୍ଷଣ ଦେଇଥିଲେ। ଯାଞ୍ଚ ପ୍ରକ୍ରିୟା ଶେଷ ହେବା ପରେ ଅଗ୍ନିନିରାପତା ପାଇଁ ଥିବା ଗାଇଡଲାଇନ ସମ୍ପର୍କିତ ନିର୍ଦ୍ଦେଶନାମାକୁ ସମ୍ପୃକ୍ତ କର୍ତୃପକ୍ଷଙ୍କୁ ପ୍ରଦାନ କରାଯାଇଥିଲା। ନିୟମିତ ଭାବେ ଏହି ଯାଞ୍ଚ ପ୍ରକ୍ରିୟା ଚାଲିବ ବୋଲି ବିଭାଗୀୟ ଅଧିକାରୀ ସୂଚନା ଦେଇଛନ୍ତି।
ଏଠାରେ ଉଲ୍ଲେ୍ଖଯୋଗ୍ୟଯେ କରେନା ସଂକ୍ରମଣକୁ ଦୃଷ୍ଟିରେ ରଖି ଅଗ୍ନିଶମ ବିଭାଗର ମହାନିର୍ଦ୍ଦେଶକଙ୍କ ନିର୍ଦ୍ଦେଶ କ୍ରମେ ରାଉରକେଲା ଅଗ୍ନିଶମ ବିଭାଗ ପକ୍ଷରୁ କୋଭିଡ ହସପିଟାଲ, କୋଭିଡ କେୟାର ସେଂଟର, ରାଉରକେଲା ସରକାରୀ ଡାକ୍ତରଖାନା ଆଦି ପ୍ରମୁଖ ସ୍ଥାନକୁ ନିୟମିତ ସାନିଟାଇଜ କରାଯାଉଛି।
Comments are closed.