ଅଗ୍ନିକାଣ୍ଡରେ ଗାଈ ବାଛୁରି ଜୀବନ୍ତ ଦଗ୍ଧ

ସୁଆଣ୍ଡୋ :  ପୁରୀଜିଲା ସତ୍ୟବାଦୀ ଥାନା ଅନ୍ତର୍ଗତ ବଳପୁର ସାମିଲ ଦିହୁଡି ସାହିରେ ଅଗ୍ନିକାଣ୍ଡ ଘଟି ଗୋଟିଏ ଗାଈ ଓ ଗୋଟିଏ ବାଛୁରି ନିଆଁରେ ପୋଡିଯାଇ ମୃତ୍ୟୁବରଣ କରିଛନ୍ତି । ଖବରପାଇ ସତ୍ୟବାଦୀ ଅଗ୍ନିଶମ ବିଭାଗ ପକ୍ଷରୁ ଆଗ୍ନିକ ମନୋଜ କୁମାର ନାୟକ ସଦଳବଳେ ଦୁଇଟି ଦମକଳ ଗାଡି ସହିତ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ । ଘଟଣାରୁ ଜଣାପଡିଛି ରବିବାର ରାତି ଗୋଟାଏ ବେଳେ ଲକ୍ଷ୍ମୀଧର ଦିହୁଡିଙ୍କ ଗୁହାଳ ଘରେ ଏହି ଅଗ୍ନିକାଣ୍ଡ ଘଟିଛି । ରାତିରେ ଗୁହାଳର ଘଷି ଧୂଆଁ ଦିଆ ଯାଇଥିଲା । ସେଥିରୁ ଘରେ ନିଆଁ ଲାଗିବା ଜଣାପଡିଛି । ସାକ୍ଷୀଗୋପାଳ ପ୍ରାଣୀଧନ ନିରିକ୍ଷକ ଘଟଣାସ୍ଥଳରେ ପହଞ୍ଚି ତଦନ୍ତ କରି ଫେରି ଯାଇଛନ୍ତି । ସରପଞ୍ଚ ଓ ୱାର୍ଡମେମ୍ୱର ପ୍ରମୁଖ କ୍ଷତିଗ୍ରସ୍ତଙ୍କୁ ସାନ୍ତ୍ୱନା ଦେଇଥିଲେ ।

Comments
Loading...