ଶତାବ୍ଦୀ ଏକ୍ସପ୍ରେସ ବଗିରେ ଅଗ୍ନିକାଣ୍ଡ ; ଅଳ୍ପକେ ବର୍ତ୍ତିଲେ ଯାତ୍ରୀ

ଡେରାଡୁନ : ନୂଆଦିଲ୍ଲୀରୁ ଡେରାଡୁନ ଆସୁଥିବା ଶତାବ୍ଦୀ ଏକ୍ସପ୍ରେସର ବଗିରେ ଶନିବାର ମଧ୍ୟାନ୍ନ୧୨ଟା୨୦ରେ ଅଗ୍ନିକାଣ୍ଡ ଘଟିଥିବା ନେଇ ଖବର ମିଳିଛି। ଏକ ବଡ ଧରଣର ବିପଦରୁ ଯାତ୍ରୀମାନେ ଅଳ୍ପକେ ବର୍ତ୍ତି ଯାଇଛନ୍ତି। ନିଆଁ ଲାଗିଥିବା ବଗିରୁ ଯାତ୍ରୀମାନଙ୍କୁ ଉଦ୍ଧାର କରାଯାଇ ଅନ୍ୟ ବଗିକୁ ସ୍ଥାନାନ୍ତର କରାଯାଇଥିଲା। ନିଆଁ ଲାଗିବା ମାତ୍ରେ ପ୍ରଥମେ ହଇଚଇ ସୃଷ୍ଟି ହୋଇଥିଲା।
ଟ୍ରେନ ଚାଳକ ଓ ଟ୍ରେନ ଗାର୍ଡ ମାନେ ଉପସ୍ଥିତ ବୃଦ୍ଧିରେ ପ୍ରଥମେ ଟ୍ରେନଟିକୁ କାନସରୋ ରେଲୱେ ଷ୍ଟେସନରେ ଅଟକାଇ ଥିଲେ। ଏହାପରେ ଖବର ପାଇ ରେଲୱେ ଅଧିକାରୀଙ୍କୁ ସୂଚନା ଦିଆଯାଇଥିଲା।
ମିଳିଥିବା ସୂଚନା ଅନୁଯାୟୀ, ଟ୍ରେନ ଚାଳକ ପ୍ରଥମେ ନିଆଁ ଲାଗିବା ମାତ୍ରେ ଜରୁରୀକାଳୀନ ବ୍ରେକ ଲଗାଇ ଜଙ୍ଗଲ ମଧ୍ୟରେ ଟ୍ରେନକୁ ଅଟକାଇ ଦେଇଥିଲେ। ନିଆଁ ଲାଗିଥିବା ବଗିକୁ ଅନ୍ୟ ବଗି ଠାରୁ ଅଲଗା କରାଯାଇଥିଲା। ଏହାପରେ ପୁନଃ ଟ୍ରେନ ଡେରାଡୁନ ଅଭିମୁଖେ ଯାଇଥିବା ନେଇ ସୂଚନା ମିଳିଛି।
ନିଆଁ ଲାଗିଥିବା ବଗିରେ ୩୦ରୁ ଅଧିକ ଯାତ୍ରୀଥିଲେ। ଅଗ୍ନିକାଣ୍ଡର କାରଣ ସର୍ଟ ସର୍କିଟ ବୋଲି କୁହାଯାଉଛି। ନିଆଁରେ କୌଣସି ଜୀବନ ହାନୀ ହୋଇ ଥିବା ନେଇ ଜଣାପଡିଥିବା ବେଳେ ଉକ୍ତ ବଗିର ଅଧିକାଂଶ ଅଂଶ ଜଳି ଯାଇଛି। ଘଟଣାର ତଦନ୍ତ ଆରମ୍ଭ ହୋଇଛି ବୋଲି ସୂଚନା ମିଳିଛି।

Comments
Loading...