ସାତକୋଶିଆ ଇକୋ-ରିଟ୍ରିଟରେ ଅଗ୍ନିକାଣ୍ଡ: ଜଳିଗଲା ୩ କଟେଜ, ରକ୍ଷା ପାଇଗଲେ ଆଇପିଏସ ଦମ୍ପତି

କଟକ ଜିଲ୍ଲା ସାତକୋଶିଆ ବାଲିପୁଟ ସ୍ଥିତ ଇକୋ ରିଟ୍ରିଟରେ ଆଜି ଭୋର ୫ଟାରେ ଇଲେକ୍ଟ୍ରିକ ସର୍ଟ ସର୍କିଟ ଯୋଗୁ ଅଗ୍ନିକାଣ୍ଡ ଘଟିବ ଫଳରେ ସେଠାରେ ପର୍ଯ୍ୟଟକଙ୍କ ପାଇଁ ଉଦ୍ଦିଷ୍ଟ ୩ଟି କଟେଜ ସମ୍ପୂର୍ଣ୍ଣ ଭସ୍ମୀଭୂତ ହୋଇଯାଇଛି। ତେବେ ସମସ୍ତ ପର୍ଯ୍ୟଟକ ସୁରକ୍ଷିତ ଥିବା ସୂଚନା ମିଳିଛି। ଆଜି ସେଠାରେ ଇକୋ-ରିଟ୍ରିଟ ଶେଷ ହେବାର ଥିଲା କିନ୍ତୁ ତାହା ପୂର୍ବରୁ ଟେଣ୍ଟ ସବୁ ନିଆଁ ଲାଗି ପୋଡିଯାଇଛି।

By the grace of God, me and Santosh escaped without any injury as fire broke out in our tent at Satkosia Eco Retreat at about 5 am on 28.2.2021 due to electrical short circuit. Three tents were burnt and there was no injury to any one. pic.twitter.com/EvJbQJHGjq

— sanjeeb panda (@panda_sanjeeb) February 28, 2021

ମିଳିଥିବା ସୂଚନା ଅନୁଯାୟୀ ସେହି ସାତକୋଶିଆ ଇକୋ ରିଟ୍ରିଟରେ ଅଗ୍ନିକାଣ୍ଡ ସମୟରେ ଆଇପିଏସ ଦମ୍ପତ୍ତି ସଂଜୀବ ପଣ୍ଡା ଓ ସନ୍ତୋଷ ବାଲା ଓ ସେମାନଙ୍କ ସାଥି ରହୁଥିଲେ ତେବେ ସୌଭାଗ୍ୟ ବଶତଃ ସେମାନେ ସୁରକ୍ଷିତ ଅଛନ୍ତି। ପରେ ଆଇପିଏସ ସଂଜୀବ ପଣ୍ଡା ନିଜେ ସୁରକ୍ଷିତ ଥିବା ଟ୍ୱିଟ କରିଛନ୍ତି। ଇତିମଧ୍ୟରେ ରାଜ୍ୟ ପର୍ଯ୍ୟଟନ ବିଭାଗ ମଧ୍ୟରୁ ନିଆଁ ଲାଗିବାର କାରଣ ସମ୍ପର୍କରେ ଅନୁସନ୍ଧାନ ଆରମ୍ଭ ହୋଇଛି।